11-9-2023

memoria de chile


memoria tanta dor tanta
por cincoenta anos chile
salvador allende vive
víctor jara toca e canta,
con violeta en novas carpas
por aquel tempo ferido
mortas desaparecidos
que inda precisan xustiza,
chile fora unha utopía
a memoria é o camiño

 

 

25-8-2023

adelfas e magnolias de lorca

 

as mans agarran a pluma e tocan o piano
con suavidade con forza con arrebatos
e esas teclas brancas e negras
con como espiñas que se cravan
no colorista verso e diálogo de federico
baixo a lúa das adelfas e magnolias
ai granada mestiza a memoria buscando

diálogo é cada unha das nosas homenaxes
coas súas mans cos seus abertos ollos
coa súa descoñecida e silenciada tumba
que se multiplica en cada encontro lorquiano
en cada libro aberto en cada íntima lectura
íntimas e multiplicadas adelfas e magnolias
ai andalucía mestiza a memoria buscando

 

 

27-7-2023

moncada setenta anos


o moncada aquel cuartel
que asaltaron uns martianos
e xa van setenta anos
da morte de julio e abel ,
seguíu coa bandeita fidel
coa palabra e coas armas
barco e periódico gramma
navega revolución ,
da sierra a playa girón
casa das américas casa
e a nova trova cubana
naceron naquel asalto,
amiga  verde lagarto
todo empezóu co moncada

manolo pipas


27-6-2023

desfeita climatica


emerxencia climática
climática emerxencia

a destempo calor ou frío
chove cada vez menos
o sol e a lúa fanse un lío
e case nada facemos

somos sobre todo auga
chuvia ríos pozos mares
ai doñana e amazonas
derrétense os glaciares
e a terra está sedenta
emerxencia climática
o clima é unha desfeita

 



19-6-2023

persoas sen fronteiras


persoas sen fronteiras
médicas e periodistas sen fronteiras
feministas e pacifistas sen fronteiras
ecoloxistas sen fronteiras
sen muros sen aramios

golpeadas sen fronteiras
desprazados sen fronteiras
mortas sen fronteiras
sen razón sen sentido

embarcacións para a vida

cayucos e pateras sen fronteiras
yates e remolcadores sen fronteiras
activistas humanitarios
rescatadores sen fronteiras ...
polo mediterráneo o atlántico e tantos mares
sobrevivintes e desaparecidas sen fronteiras
persoas e memorias sen fronteiras



04-6-2023

duas nenas mellizas

 

dúas nenas mellizas
que ían para o colexio
decidiron non ir
e nunca poderán voltar a el

que pasóu con estas mellizas
que lles dixeron aos seus doce anos
que lles fixeron no seu colexio
se cadra por ser distintas
olladas palabras feitos...

 

27-5-2023

de dignidade e xustiza


digna vida digna
e os traballos dignos
e os prezos xustos
da comida da auga da casa
da enerxia … prezos dignos

vida e morte dignas
e a terra e a auga
para quen as respeta

nen guerras que nos maten
nen capital e votocracia
que nos opriman

recitado no evento dos ninguéns
con outros versos irmáns

v(b)otacions e reflexions

tempo de e-leccions 1

v(b)otantes e gobernantes

re fle xio nan do pois



27-5-2023

v(b)otacions reflexións


seica mañán é un dos días

máis importantes da democracia

o día máis grande da partidocracia

pero hoxe é un día con menos dereitos

ca onte e con menos que mañán

se falamos un pouco de máis

se digo algunhas verdades

pode cairme unha multa


mes de maio vinteoito 
xornada de v(b)otacións
hox dia antes a reflexión 
votocracia menudo conto   

predicadores charlatáns
insultos e mentiras
poucos perden a partida
seguirán facendo mal

votacións eleccións
programas lemas actos
cortellos e deputacións
e contranatura os pactos
para non perder o timón

con caciques e neo-caciques
máis cedo ou máis tarde
con eles o barco vai a pique


versos recitados no evento dos ninguéns

con outros de reflexións  de anos atrás


manolo pipas

 


16-5-2023

flores letras

 

maio coas súas flores
maio dezasete e as letras
e lingua coas súas dores

 



08-5-2023

flores do vento



a planta do aire
a erva do vento
florece uns poucos días
comparte o seu segredo 

 

 

Distribuir contido