21-11-2017

as manadas e la manada

 


unha manada é un grupo
de mamíferos salvaxes ou domésticos
os salvaxes agrúpanse para conseguir algo
defenderse dun depredador ou atacar a presa
e os domésticos agrúpanse para defenderse
dun animal salvaxe co seu medio natural roto
e os mamiferos domésticos tamén son agrupados
polos seus donos para conseguir algo deles
coma unha manada de cans de presa

la-manada defínese un grupo de cinco
sevillanos que gostan dos sanfermines
e eles non son domésticos nen salvaxes
están asilvestrados que é outra cousa
e agrúpanse para facer dano por puro pracer

aos homes desta manada góstalles
a festa o alcohol e outras drogas o seu ego
dominar as mulleres a juerga desmedida...
e publicar as suas correrías en internete  
como abusar sexualmente dunha rapaza de 18

esta manada de cinco bestias digo homes
que está a ser xulgada ten moitos cómplices
que calan e miran pra outro lado
e outros que minten ou manipulan

tamén as feministas van en manada
defendéndose de tantos machistas
construindo un mundo menos malo

o cronista

20-11-2017

defendamos as covas

 


de salvaterra escriben as compas
mui preocupadas polo futuro
das nosas queridas covas...

as covas de dona urraca
queren entregalas ao viño
da cultura queren apartalas

lugares cheos de historia
covas do miño e do condado
salvemos as nosas covas

as covas do festival da poesía
espacios da comunidade e das artes
ocupémolas con poemas contos cantigas...


imaxe sofia espiñeira nas covas

festival da poesia 2016


triadas  manolo pipas




19-11-2017

das mortes do prestige

 


van 15 anos do afundimento do prestige
logo de que tivera un acccidente
e de que o des-goberno do pp
o pasease fronte as nosas rias
e sen exito quixera levalo cara
as costas de portugal e francia
e o 19 de novembro as 8 da manhan
o barco partiu en dous e seica
se afundiu no atlantico...

e non foi un desastre nen castrofe
foi un delito e unha traxedia
delito desde os donos e a aseguradora
pasando por todos os portos que
incumprindo as leis o deixaron pasar
ate o goberno do pp de aznar-rajoy

as costas e os fondo arrasados polo
fuel e outros lixos que ian  no medio
e millons de animais e vexetais mortos
e as persoas mortas do prestige son catro
pero non se reconhece a todos

man o aleman de camelle enfermo
deixou de comer e morreu de pena
un pecebeiro suicidouse
un marinheiro vasco limpando
chapapote sofriu un golpe e morreu
e un traballador de tragsa
en accidente limpando chapapote
tamen morreu polo prestige e o pp

seguen a pasar miles de barcos
parentes do prestige polas nosas costas
e ainda que non sofrimos outro derrame
este segue a ser o pais do chapapote

o cronista

17-11-2017

solitaria arbore

 


esta arbore de terras humidas
debeu nacer nunha lameira
pero os homes xa sabedes
que lle dan voltas ao medio
verdade amigo salgueiro

espedrigada coia

15-11-2017

as mortas do lume e a policia

 


o monte de chandebrito
foi arrasado polo lume
e fuxindo das casas morreron duas mulleres

tamen ardeu o seu castro
el que antes protexia a aldea
e agora hai medo de que caian
os penedos sobre as casas
e os outros danos colaterais
do lume son as mentiras e a inxustiza
que leva xa un pes golpeando a aldea

os policias que decidiron
que fora evacuada a aldea
xa levaron premios e condecoracions
e parece ser que eles sen querelo
e por un posible erro son complices
ou calpables da morte destas mulleres

unha das familias e a aldea queixanse
da decision errada da policia
e estes ainda ameazan con medidas legais
para salvar a sua sucia honra


o cronista


13-11-2017

loureiro e horta

 


o solitario loureiro
é o coidador da horta
eses agresivos edificios
pararon de medrar neste lugar
e os campos seguen dando vida

campo da pantoxa



11-11-2017

os bastons e as varas

 


os bastóns de mando das alcaldesas
e alcaldes independentistas catalans
tamén son bastóns para caminyar

pero agora o golpeado autogoberno
coxea un pouco da perna esquerda
ou será da dreita?
ou coxea das dúas?

os bastóns ou varas de mando
dos gobernos municipais tamen
tenyen a súa orixe nas varas
de medir da xustiza
tremendo paradoxo

a xustiza espanyola
sen ter levado golpe ningun
coxea das duas pernas


09-11-2017

sentimento

 


imaxino que a rapazada
estivo aqui pra comprobar
e sentir os estragos do lume
as cativas que cada vez entenden
menos a nosa agresiva sociedade 

as follas a palla

os fentos as landras...
vida sobre a terra queimada...

por navia


08-11-2017

o fedor e o silencio

 


ainda hoxe 8 de novembro
vintecatro dias despois do lume
hai un tremendo fedor no monte
e un tremendo silencio
e non sentimos a presencia
de nengun insecto nengunha ave

nestas terras de navia de carballos

silveiras e lixo moi perto das casas


e perto pasa un coche
e sinto tamem o triste chiar dun paxaro

pipas



07-11-2017

coitado martim codax

 


as sete cantigas de martin codax
no pergamiño vindel coas suas partituras
están expostas en alcabre no museo do mar
en voltar tardaron oitocentos anos
e as marcas do tempo están ben visibles
no pergamiño medieval que nos emociona
pero que so está de visita

na exposicion interpretanse as cantigas
entre textos e esculturas daquel tempo 
e cadros de varios pintores do mar
como urbano lugris con paisaxe con illas
e hai moita presencia das formas cristians
e as cantigas de s maria asinadas polo rei sabio
pero nada se fala das profanas cantigas de amor
e menos das de escarnio e maldizer
reveldes estas ultimas cantigas
que a xunta do pp molestan

por certo que a universidade
queria facer a exposicion
no centrico e mellor acondicionado
museo do marco pero parece ser
que o alcaldisimo non quixo

cantas preguntas as ondas
martim codax ou mesmo martiña
e as ondas levan seculos falandonos
e non as queremos escoitar

ondas do mar de vigo
se vistes meu amigo
que fuxiu polo mare
desta inxusta cidade...


na imaxe sobre o pergamiño

o reflexo do cadro de urbano

lugris paisaxe coas illas


 

 

 

Distribuir contido