26-3-2019

as vidas da carballa

 


as árbores son pequenos
ecosistemas de rica vida
e a vella e grandota carballa
regala vida en todos os seus poros
entre cada nova folla
e esta vella ferida

 



21-3-2019

vello e novo eligio

 


              a poldo loli tania
         jacobo e toda a banda

 


eligio vella taberna
de vida case cen anos
outra etapa vas abrir
logo dun tempo pechado

o poldo do metropol
foi coller o vello eligio
o noso primo celard
mira ti que terá vicio

do mesón cervexería
vai pasar a unha taberna
histórico este local
dos artistas desta terra

seica o tinto sempre fixo
boas migas coa pintura
imos deixar este branco
como amigo da escritura

bohemios republicanos
almas e balas perdidas
versos soltos e gaiteiros
e outra fauna da terriña

do metropol ao eligio
eu non podía esquecer
unha rima para o toti
que aquí tamen foi beber

o meu pai contóume onte
que viñera co parrillas
voso pai e meu padriño
a tomar unhas chiquitas

lembramos a eligio e carlos
detrás desta enxebre barra
e outros moi sentidos versos
polo empuxe a josé barca

vello eligio novo eligio
case cen anos de vida
e que siga nesta casa
fermentando a fantasía

manolo pipas

20-3-2019

sobreira equinocio

 


a foto e o poema
a miña pequena ofrenda 
neste equinocio de primavera
a varias veces centenaria sobreira
á beira da ría neste monte da peneda

manolo pipas

19-3-2019

salgada carballeira

 


carballeira á beira mar
coida paseo e peirao
a grande carballa nai
cos seus fillos ben salgados

en arcade

18-3-2019

franquista democracia


din e repeten e berran
que eeeespanya é unha democracia!!
o estado monárquico espanyol pois
o estado espanyol post-franquista
é unha franquista democracia
comprobádeo no valle dos caídos
no exército e guardia (in)civil
no poder xudicial
no estatus da igrexa
nas portas xiratorias
nos presos políticos

galegos e catalás
na legalidade de vox
na educación...
e volvede pensar
no valle dos caídos

o cronista

17-3-2019

guerra


guerra
guerra de un contra outro
guerra de outro contra un
guerra contra ti
guerra contra vos guerra contra eles
guerra contra nos guerra contra min
escarceos conflicto batalla
desembarco bombardeo
guerra civil guerra bilateral
guerra rexional guerra continental
guerra mundial   GUERRA NUCLEAR
como esta non chegou podo seguir o poema
accion pacificadora limpeza etnica
accion humanitaria danos colaterais
guerra pola guerra
guerra para a guerra
guerra baixo a guerra guerra sobre a guerra
guerra contra a guerra
guerra antes da guerra
guerra despois da guerra
guerra coma guerra ponto e coma guerra ponto e
seguido guerra ponto e aparte

refuxiados desprazados   de sa pa re ci dos
guerra relixiosa guerra quimica
guerra politica guerra colonial
guerra economica
guerra oeste este  guerra norte sur
guerra de baixa intensidade
guerra de media intensidade
guerra de alta intensidade
GUERRA TOTAL
GUERRA PONTO FINAL

NON
hai reposta
         NON Á GUERRA


do libro marzo abril
e outros naufraxios  4-99

15-3-2019

de siria a uganda

 


oito anos da guerra de siria !
leo nun titular da prensa!
cantos anos leva irak en guerra?
en guerra cantos anos afganistán?


israel que non sae no mapa

mundial das guerras cantos anos

leva en guerra contra palestina ?


chad kurdistán myanmar-birmania
sudan do sur méxico ucrania
yemen nixeria uganda...

nen guerra que nos mate
nen paz con inxustiza
e explotación que nos oprima

un insubmiso


10-3-2019

o xogo as contas



as cantidades
os números as contas
as partidas de cartas
bastos e espadas
ouros con copas
co meu vello pai
e as veces meu irmán
cara os catro
pontos cardinais

 

 

08-3-2019

8 de marzo sesé



no camiño do vento
o libro na memoria de sesé
onte a sete de marzo
presentástelo en chapela
e sentín non poder ir
que tiña un recital
no negra sombra uf

a presentación de

no camiño do vento

dixéronme que foi linda
eu boteille un poema a sesé
como o ano pasado
como outras veces
como hai dous anos

por ela e por todas

manolo pipas



07-3-2019

bardo-druida mikel laboa

 


no alto granito á beira mar
desde o monte pindo na moa
eu quixera recitar e cantar
no solpor ao bardo mikel laboa     

na noite dentro dun muiño              
entre granito á beira da moa
quixera moer o canto húmido
do noso druida mikel laboa

salgado dóce e amargo mikel
laboa canto de mar e terra
de euskadi e lonxanas tribus
o bardo o druida as meigas  

do noso bardo mikel laboa
quixera moer o canto húmido
entre granito á beira da moa
na noite dentro dun muiño

na mañán ao bardo mikel laboa  
eu quixera recitar e cantar      
desde o monte pindo na moa
no alto granito á beira mar

poema recitado onte

no monográfico do negra sombra

graciñas compas pola boa vibra 

as voces as teclas as cordas...


manolo pipas



Distribuir contido