Novembro 2013

vanse definindo as cores
nesta casa colorida
a cultura livre avanza
camiña por varias vías

coloridas as palabras
na casa fora do eixo
compartir a informacion
as cousas e os sentimentos

as paredes van cos libros
as musicas coas pantallas
as ideas e os sentires
nesta colorida casa

a máscara coas nubes
desta casa colorida
abriron as suas portas
aos poemas e as cantigas

versos recitados 
na casa con servando
e duas novas rimas
da colorida cea

manolo pipas

escoito a león felipe
na voz e guitarra de dina rot
un vinilo do setentecinco
o seu retrato en branco e negro diante
e detrás os creditos de poetas e musicos
e unhas fotos cun fondo verde claro
moito crédito ten a compañeira

gabriela mistral león felipe

pablo neruda césar vallejo rafael alberti

nazzim hikmet héctor yánover garcía lorca 

violeta e isabel parra paaco ibánez
difícil xuntar máis palabra e sentimento
 
          .   .   .   .   .   .

atopei ao león felipe
ao solitario escritor atopeino
ao final da calzada dos poetas
no inmenso parque de chapultepec
na cidade de méxico debaixo dos freixos
nesa cidade que o acolleu duas veces
logo da revolucion mexicana
e despois da guerra do 36

do león moito me falaba a bertha
dos seus poemas dos seus libros
das suas versions de walt whitman
e de como o escoitou recitar
cando ela era universitaria
no último ano do poeta
ai naquel ano sesenteoito

manolo pipas

o noso corpo
o noso territorio
livre de agresións
livre de imposicións
a vintecinco de novembro
dia internacional contra
a violencia de xenero

as mulleres marcharon
con ducias de paraugas violetas
hoxe que non chovía

sen chuvia e sen o sol
camiñaron baixo os paraugas
coma cobertas e defensas
contra os machistas

violetas en movimento de vida

sole do país das nubes

sole vive                                    
na aldea da soledad
a chiquita da blusa violeta
ten cinco anos
e fala mui rapido e atrapallada
anda descalza
e as guarachas so as pon
cando ten que ir a escola
cos seus irmans xoga nos valados
e na hamaca do seu avo
e para ela fago dragonciños voadores
que chama zopilotes
para sole da soledad
case todo é un xogo
menos as veces ver polos coconitos
para que non leve un o gavilan

comunidade la soledad-1-06


viaxe ao país das nubes
versos e recitado manolo pipas
musicas e canto servando barreiro
venres 29 na casa colorida 
nigrán rua rosalía de castro 16
as nove da noite lua minguante