Decembro 2014

31-12-2014

23 rotondas trovas

 


a rotonda é redonda

a asamblea a palabra

e redondas as propostas

 

o poema a cantiga

e a roda da zanfona

e o público en círculo

na rotonda nosa a trova

 

o cronista co seu irmán

luis o caruncho o día 23

pouco antes de que entrara

sen palabras a policía

 

 

31-12-2014

22 palabras rotondianas

 


os rapaces tardaron

sete días en darlle vida

a nosa castrada rotonda


a frase consigna sen rematar

podedes completala vos...

 

o cronista


29-12-2014

21 a cativa e a rotonda

 


unha destas frías tardes

camiñando o paseo de castelao

baixo os álamos e os bidueiros

dille unha cativa a súa nai

-mamá quero ir xogar

á rotonda con aqueles nenos

-non filliña que non pode ser

xa logo ti vas ver como está

a nosa rotonda pecharona

porque os malos gobernantes teñen

medo dos adultos con conciencia

e das cativas que queren xogar

 

o cronista

 

28-12-2014

20 festas e rotondiano belén

 


festas da alma e do corpo

nadal fin de ano e reis

grandes festas do consumo

luces árbores beléns

seguen aumentando os pobres

máis represivas as leis

 

algún quería mandarnos

de regalo de nadal

un barco nunha rotonda

mais non soubo navegar

mala era a tripulación

e peor o capitán

 

rotondianos compañeiros

cristiáns de base de coia

un actual belén fixeron

con esta cabrona obra

e as consignas da asamblea

da nosa amada rotonda

 

o cronista de coia

 

26-12-2014

19 as cousas do alcaldisimo 2

 

 

un pouquiño da longa historia

dun curioso alcaldísimo

 

miñas donas meus señores / nunha curiosa cidade

defende ben rancias causas / un ben curioso alcalde

 

por gañar uns poucos votos / por apoios doutros grupos

un non chega a ser alcalde / que este cargo ten máis truco

 

hai que traballar arreo / non mentir ser educado

falar pouco escoitar máis / e aprender do teu pasado

 

ex-ministro do felipe / cacique de cuño novo

un vigués de puente-arenas / sempre presto para a foto

 

mal candidato pra xunta

coa derrota das máis grandes

alcaldísimo alcaldito

aprendiz de paco vázquez

 

que modesto o seu partido / que señor con pouco ego

ai parece que a alcaldía / importa máis que o concello

 

nestes dous ultimos anos / nesta curiosa cidade

defende unha cruz franquista / un curioso gobernante

 

alcaldísimo este home / el é fillo predilecto

da cidade da coruña / mira ti isto non ten prezo

 

a súa última xogada / foi meterse cos de coia

quere poñernos un barco / entre pisos na rotonda

 

costará unha millonada / na rotonda pór o barco

nós pensamos que é mellor / usos sociais pra eses cartos

 

na rotonda tres semanas

estivemos ben plantados

e o vintetres pola noite

dela fomos expulsados

polo alcalde represor

que mandou aos de azulón

 

imaxe da nosa bandeira

co escudo rotondiano

o cronista

 

25-12-2014

castiñeiro de coia

 

 

castiñeiro de esturáns

nun vello lugar de coia

estás mirando pro mar

 

xa che quedan poucas follas

dos magostos xa descansas

i estas festas non che gostan

 

castiñeiro de esturáns

outras árbores marean

nestas datas do nadal

 

manolo pipas


 

24-12-2014

18 voltaremos á rotonda

 


na rotonda foi un día moi longo

e no escuro frío por primeira vez

tivemos que facer unha fogueira 

e moitos peós dos de arriba

moi avanzada a noite

chegaron cando éramos menos

e botáronnos da rotonda

 

agora o espacio da nosa asemblea

está oculto por un valado

e custudiado como un feo trofeo

que non queren que se vexa

pero así non pode quedar

e nós andaremos por fóra

e voltaremos

 

o cronista de coia

 

23-12-2014

17 a rotonda golpeada resiste

 

 

 

intenso día rotondiano

a rolda de prensa grande asamblea

seguen os poemas e cantigas de coia

e chega a policía e os obreiros

que nos dan tregua no xantar

e as tres xa son ducias os de azul

e nos poucos e van entrando

cos obreiros detrás poñendo o valado

nós imos sendo máis e resistimos

na entrada entre o campamento

e os montón de grava e paramos

a pala que os quere levar pra dentro


a tarde é longa e paramos o desaloxo

van marchando os obreiros e a policía

reduce os seus efectivos mentre empeza

un concerto rotondiano da rapazada

e toda a noite vai seguir un retén noso

dentro da rotonda que non quere o barco


logo seguimos

 

 

22-12-2014

16 a rotonda e outras loitas

 

 

cando estamos no plantón

nesta querida rotonda

nós falamos doutros tempos

nós lembramos outras loitas

 

as veciñas e os veciños

xuntos teñen moita forza

aquí perto conseguíuse

que non se perdera a bouza

 

no veciñal movemento

tamén tivemos derrotas

emociónanse os de teis

cos tempos da empacadora

 

barrio cidade país

esta terra é toda nosa

de nunka máis a massó

e que peche a celusosa

 

camiñamos aprendendo

das victorias e derrotas

prazas rotondas e barrios

son de todos e de todas

 

recital de poemas e cantigas 

mañán as 12.00 na rotonda

polo cronista e luis o caruncho


 

21-12-2014

solticio de inverno lúa nova

 

 

solsticio de inverno lúa nova

dous ciclos de revoltos tempos

lúa nova solsticio de inverno

máis preguntas que respostas

 

lariño

 

 

19-12-2014

15 coa bandeira rotondiana

 


o izado da bandeira

lembra unha guerra lonxana

aquí uns usan a forza

e nós temos a palabra

 

vigo ten unha bandeira

que na rotonda puxemos

do seu escudo caiuse

a oliveira e o castelo

 

no seu lugar foi entrar

o noso querido barco

el ondea cando hai vento

o plantón a esquerda abaixo

 

na rotonda que hai en coia

nós estamos ben plantados

xa levamos moitos días

podes sumar o teu brazo

 

o cronista de coia

 

 

 

18-12-2014

compromiso social e poesía

 

 

poesía e compromiso social

o nome da charla coloquio

que me combidaron a abrir

no clube de lectura

do instituto público de beade

e que cumpra outros

vintecinco anos

 

os estudantes e as mestras

o real e a internete 

as redes e contra-redes

o triskel e as cereixas

 

na aula cartelería

deses dereitos humanos

con ese oito de marzo

necesario cada día

 

e nós falamos das artes

o colectivo as fronteiras

as rotondas a asamblea

de ficar coa menor parte

 

o cronista