Maio 2015

neste ano o correlingua

creación común o galego

cruza a cidade ferida

polas obras do concello

nenas e nenos camiñan

até o parque de castrelos

asustadiño  un  parrulo

pregunta ke pasa ao merlo

a lingua creación común

un comunitario feito

entre consignas e cantos

centos de nenas e nenos

preocupados polo noso

sacan a lingua e o peito

o cronista

coas diversas procesións

onte no día das letras

nas diversas cidades da terriña

desafogamos cobrimos o espediente

e logo fomos tomarlle algo

e criticar coma sempre aos de arriba

e un pouco a algúns de abaixo

e nestes días houbo homenaxes

poemas contacontos cantigas

teatro concursos gaiteiradas …

e onte perdimos a grande ocasión

de facer unha manifestación nacional

na pontevedra do fascista homenaxeado

e rematala na porta do seu querido museo

e uns poucos entrar na súa homenaxe

e decirlle catro cousas aos seus defensores

a real academia galega galaxia xerais...

alonso montero freixanes bragado ...

se cadra como as árbores

non nos deixan ver o bosco

tampouco os libros as cantigas...

nos deixan recoñecer ben a realidade

e facer por cambiala

o cronista

a precaria democracia deberes e dereitos

e o dereito a votar unhas pouquiñas veces

a quen probablemente vai pisotear

moitos dos nosos dereitos

neste pais onde votan algun mortos

e moitas persoas sen conciencia do feito

e outras moitas son obrigadas a votar

unha papeleta nun sobre pechado

que lles entrega o cacique que os oprime

ou o sospeitoso director do asilo

eu que nas anteriores eleccions non votei

conscientemente quixera recuperar

aquilo e votar agora dúas veces

contra o cacique que nos oprime

o meu colexio electoral segue a ser

o colexio público da rotonda alfagema

e chegoume unha vez máis a carta

da oficina do censo electoral co antigo

e antidemocrático nome franquista

dun obispo que estaba cos asasinos

que antes tiña o actual illas cíes

os que estudamos nel e os veciños

sempre lle chamaremos polo vello nome

eijo garay polo costume e pola memoria

e a nós como no caso do barco alfageme

non nos consultaron que nome

lle queríamos poñer ao colexio

porque nesta pseudo-democracia

temos mui poucos dereitos

imaxe desde o patio do colexio

o cronistadecoia

este ano perdinme os maios

a festa da primavera

vexetais formas e cores

xogos de nenos e nenas

as ervas e arbustos verdes

as flores brancas marelas

os bugallos e as laranxas

e máis froitos desta terra

e as coplas que debullaron

o noso tempo de perdas

e propostas pra cambiar

relacións e sementeiras

manolo pipas

o dezasete de maio

o día das nosas letras

chega descentralizado

noutros anos polas letras

nunha única manifa

xuntábanos compostela

polo oito de febreiro

xa enchemos a quintana

na defensa do galego

neste ano polas letras

danlle honores a un franquista

que surrealista esta terra

nas vilas e nas cidades

que se escoite o noso berro

pola lingua en liverdade

o cronista