Decembro 2016

12-12-2016

follas e froitos

 

 

 

as follas últimas

 

e os últimos froitos

 

que non van madurar

 

pero que abonarán a terra

 

 

 

lariño

 

11-12-2016

camiño privado

 

 

este curioso letreiro está

na entrada do noso camiño

camiño sen saída para carros

que da entrada a oito vivendas

camiño aberto cun carreiro

con vello dereito de paso

para as seguintes casas

pero este letreiro foi acordado

e colocado polos meus veciños

cansos de que cada quince días

acá moi perto de balaídos

os tolos do futbol atranquen

coma hoxe mesmo

este pequeno camiño

e eses días tamén se pon

unha cadea cara a esquerda

 

ah o rabiño do eñe

coloqueino eu no letreiro

que antes puña camino privado

 

o cronista

 

 

 

09-12-2016

follas caidas

 



detrás miña sinto

 

unha folla cair no chan

 

mentres no caderno escribo...

 

 

caídas follas murchas e secas

 

que fostes mudando a vosa cor

 

iredes pro lixo ou voltades á terra

 

lariño

 

 

 

 

 

07-12-2016

constitucion transaccion

 

 

dous trapos dous símbolos dúas teas

coas mesmas cores dúas bandeiras ...

e so un concello catalá celebróu

o día da monárquica ilexítima

constitución española

e en moitos deles abriron as portas

e traballaron...

 

e queimaron un exemplar da constitución

da transicion da transacción

e que !? acaso é algo tan grave !?

a constitución da mentira dos ladróns

dos corruptos dos represores ...

 

lembro que na nosa casa

había un exemplar da constitución

menudos exemplares os que a redactaron

empezando polo franquista manuel fraga

 

o folletín este non o lin

nunca tiven estómago

 

o cronista

 

06-12-2016

a rotonda e o manifesto



hai dous anos asaltamos

unha golpeada rotonda

botaronnos dela e voltamos

as veces que puidemos

e vari@s pagaron con golpes e multas

e hai un ano asaltamos o barco

pacificamente coma todas

as veces que entramos na rotonda

e algun pagóu a multa

 

e hoxe que facemos !?

moita ou pouca cousa

segundo como se mire!

moitas asinaron o manifesto

e unha petición aos xulgados

para que un inocente compa

acusado por un metiroso policía

se cadra inducido polo alcalde

non pague moito mais

que todos os anteriores


diegoabsolucion.wordpress.com

change.org/p/juzgado-penal-no-2

-de-vigo-absolucion-de-diego

 

graciñas polo voso click

vémonos entón no xuizo

e logo na rotonda

ou onde toque

 

o cronista

 

 

05-12-2016

cadeas

 

 

 

ogallá todas as cadeas

 

védela abandoada

 

e absorvida pola terra?

 

acabarán coma esta

 

 

 

o cronista

 

03-12-2016

caravana tributo a fidel

 

 

a revolución na súa praza

hasta siempre fidel a coro

duras agardadas palabras


caravana tributo a fidel

desde la habana até oriente

en santa clara saúda ao che


e pasando por camaguey

a caravana co pobo cubano

lembra os poemas de guillén

...


fidel descansa compañeira

entre antonio maceo e martí

debaixo de sierra maestra

 

pipas


01-12-2016

fidel castro presente

 

 

fidel castro vida longa

loita prisión e poder

cuba non se vai perder

o teu pobo que responda

 

fidel castro longa vida

guerra fría bloques muros...

muros do primeiro mundo

na terra inmensas feridas

 

praza da revolución

que da illa tanto sabes

despides ao comandante

co teu máis tristeiro son

 

cuba co seu presidente

de la habana até santiago

amargos os vosos tragos

mais son igual de rebeldes

 

manolo pipas