Xaneiro 2017

31-1-2017

preso trovadora e pombas

 


debaixo da estatua
de concepción arenal
na mañá non paróu de chover
pero era unha chuvia limpa 

non como a do mal-goberno

o manifesto libera
a danza é liberadora
a poesía a canción as aves...

debaixo da estatua
de concepción arenal
o preso a trovadora
e as pombas libres

evento do colectivo os ninguéns

e a r.s.p. no cimeterio de pereiró
no nacemento da humanista

con juan moredo najla shami

e tres compas pombas

 

29-1-2017

cuba marti e aves

 


cuba ese verde lagarto
a máis grande das antillas
pero unha pequena illa
que ao tío sam ten mui farto

cuba no mar das caribas
quere uns ciclóns pequenos
pra dar vida ao campo seco
aos sinsontes e guajiras

de martí as pombas coidan
que acá non chega o sinsonte
complicados son os homes
comenta unha ave a outra

díxome onte o novo cónsul
logo de despedirnos do martí
que cuba precisa que os ciclóns
lle leven auga á terra sedenta

manolo pipas

 

28-1-2017

versos de jose marti

 


Yo soy un hombre sincero
De donde crece la palma
Y antes de morirme, quiero
echar mis versos del alma

Mi verso es de un verde claro
y de un carmín encendido.
mi verso es un ciervo herido
que busca en el monte amparo.

Yo se de un pesar profundo
entre las penas sin nombres
la esclavitud de los hombres
es la gran pena del mundo

Con los pobres de la tierra            
Quiero yo mi suerte echar
el arroyo de la sierra
me complace más que el mar

No me pongan en lo oscuro
a morir como un traidor
yo soy bueno y como bueno
moriré de cara al sol

Cultivo una rosa blanca
en julio como en enero.
para el amigo sincero
que me da su mano franca.

 

José Martí

Do libro Versos sencillos
que se cantan coa guantanamera

foto ofrenda no día do seu natalicio

na súa estatua neste emigrante porto





27-1-2017

lua nova e chuvia


a lúa nova trouxo a chuvia
por onde andabas amiga
que nos tiñas abandonado?

o ano luar da mona
da paso ao ano do galo


pipas


25-1-2017

cativa orellas e paxariños


unha cativa de chandal rosa
abúrrese coa nai no centro de saúde
linda cativa coas orellas mui abertas

vou facendo un paxariño

de papel bermello e ela

por momentos vai seguindo

as dobreces cos ollos
e rápido ven collelo

e xa xoga co boneco
fágolle outro pequeniño
e pono sobre o grande que ela 
fai voar darredor da súa nai

linda cativa do chandal rosa
pero non me atrevo a decirlle
que ela tamén podería voar
coas súas orellas abertas

como podedes imaxinar
non teño imaxe da cativa
e o texto aproxímaselle


pipas



24-1-2017

macro-hospital e virus

 


estivemos onte no cunqueiro
nese macro-hospital-tanatorio-terminal
-de-aeroporto-cidade-dos-enfermos...
apoiando outra causa perdida

a escasez de sanitarios que nos atendan

como podía ser os defectos das instalacións
e entramos en uxencias a botar un ollo

por se un día nos toca darlles traballo

marchei dalí cun ollo irritado
que choraba sen razón coñecida
e foi a máis e mentres durmía
se me pegaron os párpados
e hoxe pola mañán no centro de saúde
como a médica que me toca é na tarde
atendeume unha médica “deslizante”
e díxome que tiña conxuntivitis
cunqueirá ou do monte de valadares

o cronista


24-1-2017

demasiado frío

 


a seca golpea en silencio
pero a nós non nos mata
e o frío nesta fisterra
é normal para este tempo
demasiado frío noutras rexións
hai cen anos que non nevaba
nalgunhas praias do mediterraneo
desde o país valenciá até o mar exeo

en cidades de toda europa
morren de frío os sen teito
e tamén morren moitas refuxiadas

o cronista


23-1-2017

seca en inverno

 


inverno pleno inverno
e neste país da chuvia
a terra está moi seca

parece que nos saúdan
eses velliños fantasmas
das asulagadas aldeas

lariño

21-1-2017

o capital e as persoas

 


o capital e as persoas
ou atlánticos somos nós

nen ttip nen ceta nen otan
atlánticos somos nós

tras-atlánticos somos nós


non ao libre comercio
que sexan libres as persoas
para moverse polo mundo

atlánticos somos nós
e non eses dos tratados
o capital e a banca
atlańticos somos nós
os destas fisterras
atlánticas son as africanas
e @s auténtic@s antisistema
de yanquilandia e canadá
e os de todos os mares e terras
son as nosas irmáns

o cronista


21-1-2017

pechade todos os guantanamos

 


non é unha protesta
contra o banco santander
pero ben podía ser
ou mesmo tamén o é
unha protesta-proposta

contra o capital e a banca

contra todos os represores

e explotadores

a presa visualiza guantánamo
o campo de concentración
dos kenedi-bush-obama-trump
de todos eses asasinos

pechade guantánamo xa
esixen desde annistía internacional


que todos os represores

pechen os seus guantánamos

o cronista



20-1-2017

novas do exterior e musica

 


a música de eleni karaindrou
acompañóu a presentación das crónicas
das moitas demasiadas viaxes ás prisións
de xosé luís e vitoria para ver ao seu fillo
antom santos inocente preso político

na presentación por rafa tareixa braulio
francisco e xosé luís escoitamos falar
desde o actual preso até aquel cativo
do mestre de historia do activista
do alunno do amigo do fillo
do home discreto...

entre música e libros

na libraría andel novas do exterior

63.000 quilómetros de viaxes á cadea
e desde a escrita do libro xa van
algúns miles máis e máis crónicas

logo da presentación dixome xosé luís
a quen coñecín hai 20 anos cando os dous
puxemos os nosos versos no vis a vis
o libro de apoio aos insubmisos
cuarteleiros presos elías e ramiro
díxome que esa música grega
o acompañaba cando escribía as crónicas
e agora busquei esa música para escribir
e sumala as músicas que a min me acompañan
nas envolventes crónicas e noutras escritas


o cronistainsubmiso



19-1-2017

o interior as reixas o exterior

 

 

      a antom santos xosé luis santos cabanas

      e todas as persoas represaliadas politicas


o exterior a poucos metros
pero está lonxe mui lonxe
demasiado lonxe do interior

o interior detrás
deses cortantes aramios
detrás de cámaras formigón reixas...
o interior detrás
deses represores da burocracia
e os outros cruelmente armados

do interior
vós non podedes sair
e nós fora aínda estando perto
estamos a días de poder entrar
porque así son os permisos
que nos van deixar pasar
e vervos e falar con vós
pero non darvos unha aperta

lembranza das visitas
aos insubmisos presos
nas que falábamos por teléfono
separados por un groso cristal
e das visitas aos insubmisos
cuarteleiros na prisión militar
de alcalá de henares no ano 97
cando decidin ficar
dous días máis na fría meseta
pero o permiso so se podía dar
para catro días despois


novas do exterior é un libro

de xosé luis santos cabanas

que se presenta hoxe en andel

coas cartas ao seu fillo antom santos

preso político nas casdeas do estado

imaxe prisión da lama maio 2016


manolo pipas