Xuño 2018

30-6-2018

polas dunas da fontaiña

 


esta cidade que nacéu
do mar e do campo !
acaso hai algo máis
que mar terra e aire ?
esta cidade porto case sempre
de costas a ría ao mar
cantos ecosistemas costeños arrasóu?
tamén as dunas da fontaiña e baluarte

salgados os nosos versos
soben e baixan coas marés
andan co ritmo mareiro
e pros areias e as dunas
queren mellores tempos

aquelas vellas dunas da fontaiña
por aqueles homes estragadas
por vos fontaiñas restauradas
e nelas vai medrando a vida

os areais e as dunas móvense
coma grandotes seres vivos
coas marés do día e da noite


as praias antes chamados areais
e as dunas antes eran os tombos
moutillóns fenais madorras modorróns
mouteiras malloeira monteirón ou medón
a riqueza do noso medio e da nosa lingua

vintecinco anos do comenzo
da restauracion das dunas
e corrubedo mándalle a coruxo
unha salgada aperta de area


a asociación fontaiña
25 anos recuperando
as dunas de coruxo
e hoxe o celebra cunha cea
e poemas na cova dos ratos

fontainhavigo.blogspot.com


manolo pipas


29-6-2018

memoria dos vencidos



nese chamado valle de los caídos
sobre varias construccións
de propaganda do franquista réxime
hai unha inmensa cruz cristiana-fascista
de cento ciencoenta metros de altura
bendecida pola igrexa catolica
que se ve desde mui mui lonxe

se nese chamado monumento
foron obrigados a traballar
os presos republicanos
e mesmo sen permiso das familias
os vencidos foron enterrados alí
é de sentido común e xustiza
que a familia franco pague
o derrube dese simbolo fascista
ou que eles e os seus seguidores
traballen para derrubala

sr sánchez esas construccións aínda
que saquen os restos do dictador
nunca serán un monumento
pola reconciliación

unha copia duns poucos metros
témola no monte do castro
defendida polo alcaldísimo
do partido do señor sánchez

o cronista

27-6-2018

romance dos canteiros 2

 

 

     ...
     duras pedras duras mans
     pazos fontes e muiños
     dos canteiros van falar

no seu destino descargan
montarán unha coberta
longo inverno baixo o frío
pouco quenta esta fogueira

estes muros collen xeito
con machóns dinteis xanelas
e no lado vai medrando
a precisa cheminea

segunda altura rematan
vigas e teito en madeira
xa ten forma un bo faiado
e despois toca o das tellas

    duras pedras duras mans
    pontes templos e canastros
    na memoria as manterán

e na fonte da gran vía
un tallista dos daquela
a un canteiro dos do monte
retratóuno na súa pedra

vouvos dar os seus dous nomes
que non quero que se perdan
o autor foi o raúl
e perfecto o da viseira

e polo barrio do castro
baixo os toxos e as silveiras
quedan restos doutras xentes
que habitaron esta aldea

tamen lembro a prehistoria
co seu culto a natureza
nas millaradas canteiros
grabaron cervos na pedra

     subo a freixo e matamá
    terra dos meus devanceiros
    nas variadas construccións
    sinto vivos aos canteiros


canastro de matamá
e a fonte do perfecto
e do raúl na gran vía

manolo pipas

26-6-2018

romance dos canteiros 1

 


entre freixo e matamá
busco cortes que hai na terra
son como grandes feridas
son esquecidas canteiras

imaxino aqueles homes
e as rudas farramentas
casas pontes e canastros
van manter viva a presencia

golpe a golpe sobre as cuñas
melodía das canteiras
esta fenda que xa racha
e despois dan forma as pedras

maruxento e talliños
pedra longa e aguieira
e co regueiro das cartas
os canteiros xa son lenda

    duras pedras  duras mans
    muros casas e cruceiros
    na memoria as manterán

a pedra cargan nos carros
e aparcados en fileiras
van ficar aquí no rio
mañán cedo pra ribeira

por ribelas vai pasar
pedra fina e máis morena
paran na fonte do alfredo
pero beben da botella

pola dreita está o cabano
e o gallardo pola esquerda
van tirando os bois do carro
que dúas horas inda restan

     duras pedras duras mans
     pazos fontes e muiños
     na memoria as manterán
     ...

versos do ano 2000
imaxe da abandonada
canteira do maruxento

e do muiño da regueira

continuará


manolo pipas



24-6-2018

na fogueira de freixo

 


pra fogueira de freixo o ciprián
do colectivo chan grande pediume
que fixera un pregón que eu fiei
como pregón-ofrenda do solsticio
cos versos dos poemas destes días
das ervas e dos montes queimados
e versos doutros anos e palabras
que no turreiro quedaron
e antes cando subin a freixo
achegándonos ao solpor
a miña cativa cámara
captóu a primeira imaxe

boa noite boa lúa
bo solsticio e bo lume da vida
un novo ano e solsticio
unha nova noite das fogueiras
os días máis longos do ano
e as noites máis curtas tráenvos
freixeiros e freixeiras e amigas
darredor do ritual do lume
e compártovos as palabras
do neto de manuel o freixeiro


a chispa e a chama
o lume o fogo o facho
a cacharela a fogueira
a faisca a muxica …
lentamente ou a presa
que arda o necesario

prendéu unha planta
e prendéu o lume
o prender nacéu
como verbo de vida
a fogueira agarda
ser prendida

 


solsticio de vran
e noite das fogueiras
amiga ti que vas queimar
o machismo e que mais ?

solsticio lua chea
con lume ou sen lume
que vas queimar que che pesa?

este lume ritual
calor que nos aparta
luz que axuda a respirar

 


e logo tabáns de freixo
fixeron un pasarrúas
até a fogueira para prendela
e seguiu a música a festa …
e voaron paxuriños de papel

ás antías breixos almas …


23-6-2018

monte queimado e fogueira

 


hai tantas árbores mortas
nos montes de freixo matamá
fragoselo chandebrito…
que na vosa aldea poderíades
facer a fogueira do solsticio
e botando pouco a pouco
a madeira menos aproveitable
poderíades estar un ano enteiro
con ese lume comunitario da memoria
pero iso non o queremos facer

que a fogueira so dure unhas horas
ou unha curta e longa noite enteira
cando eramos pequenos

imaxe na ghaspara

22-6-2018

da manada de xuices

 


a manada de violadores
foi posta en liberdade
pola manada de xuices
outro golpe pro feminismo
e a comunidade

as palabras e os feitos
máis violentos do lixo
do machista capital
figuran nesta faixa

coa contestación das compas

na fogueira liberadora


lemos noutra estampa

non é o longo da miña saia
e o curto das túas ideas
non é o curto da miña saia
é o longo das túas miserias


a manada non son cinco

a manada é o sistema 



 

21-6-2018

ervas e redondo solsticio

 


ervas arbustas árbores
follas e ramallos do solsticio

funcho malva fento macho poeso
árnica ruda menta artemisa hedra
romeu roseira brava erva luisa
sabugueiro amieiro nogueira
e moitas máis ervas flores e follas
dos vexetais especiais do solsticio
e da noite das fogueiras


e seica son as mulleres

as que as deben recoller

e en auga poñelas a macerar...


na imaxe as ervas
dos poulos da ghaspara freixo
en outubro arrasadas polo lume


20-6-2018

ambulante e redondas formas

 


o vendedor ambulante
senegalés ofrecía aneis
pendentes e pulseiras
e as compas mercaron
algunhas destas últimas
pero eu non lle facía caso
ao amable vendedor

que chegóu da vella áfrica

pero cando xa se ía
pregunteille se non tiña
un gorro como o que el levaba
que imaxinaba do seu cálido país
e rápido sacóu un do carriño

marchei co gorro da cultura wolof
pensando no redondo solsticio
e que nós non somos ambulantes
pero tamén estamos de paso


nun redondo día

 

18-6-2018

austeras ervas do vento

 


mui austeras as ervas
do aire e do vento
as súas breves flores
agora musrchas tamén
merecen uns versos

en figueirido

 

17-6-2018

inmigrantes xornaleiras

 


inmigrantes xornaleiras recolectoras
de pequenos froitos bermellos 
en huelva explotadas polo machista

capital para o que todo vale
como o abuso sexual

hoxe recibiron a benvida
as vosas irmáns dos barcos do aquarius
mentres seguen chegando pateras
e cayucos que non son ben recibidos
como nos que viñestes moitas de vós
golpeadas inmigrantes xornaleiras

racistas e hipócritas gobernantes
espanyoles tirade os vosos aramios
abride as fronteiras de ceuta e melilla
e todos os dereitos para as inmigrantes

fresas con nata ou con viño
e fresas con chocolate
bermellas fresas co sangue
das mulleres inmigrantes

dereitos pras xornaleiras
fresas pementos tomates...
bermellos froitos co sangue
das mulleres inmigrantes


na concentración desta tarde 

do feminismo unitario

 

 

 

 

16-6-2018

avante falperrys

 


os falperrys xa zarparon
barco timón e destino
cada canción unha vela
abordado un novo disco
sete músicos salgados
tabernas e compromiso

e zarparon os falperrys
das rías ao bravo mar
cada canción é un porto
e non temen naufragar
como brúxula un cadro
na capa pepe ksal

avante compas falperrys
que teñedas moi vos ventos
cada canción unha causa
polkas valses demos ecos
a festa e a reflexións
falperrys pra nos alento


rimas logo da presentación
onte do disco nova abordagem

manolo pipas