Xullo 2019

31-7-2019

publicano camiñante

 


pobre vello publicano
chamábase o camiñante
aquel poeta exiliado
o amigo de rocinante
con pedras contos e cantos
este rapsoda e atlante

atlánticos os seus versos
que cruzaron frías augas
xentes historias e tempos
todo se funde en palabras
amargos son os silencios
león felipe camiñada

desencantado cantor
pedra e canto rodado
o amigo de rocinante
aquel poeta exiliado
chamábase o camiñante
pobre vello publicano

estatua de leon felipe
na calzada dos poetas
bosque de chapultepec
na cidade de méxico

manolo pipas


29-7-2019

libros baixo a floresta



a feira do libro
debaixo das árbores
entre libreiros e lectoras
vai medrando e florecendo
e os castiñeiros e magnolios
que lle dan sombra e frescura
a libros antigos e de ocasión
e libreiras lectores e curiosas
por sorte non van acabar
en papel de relatos e poemas

na alameda

27-7-2019

aprendendo do moncada



xunto a estatua de martí
nós lembramos o moncada
apoiamos e aprendemos
desta illa mal bloqueada

o moncada e bayamo
cuarteis que non cairon
mais pasos pra revolución
agora son centros de ensino

ensinanzas da historia
a revolución cubana
o bloqueo dos yanquis
perdendo esta outra batalla

ai moncadistas martianos
moncada baixo o turquino
graciñas compas barbudos
e unha aperta a pedro trigo


na imaxe o libertario

canto de tino baz


manolo pipas


25-7-2019

matria matria


día da matria día
coa galiza golpeada
e a lingua perseguida

roubada matria gaiás
encrobas e celulosa
e o pazo de meirás

matria día da matria hoxe
neste noso país submiso
e os presos politicos lonxe

matria día da matria
palabra a palabra
pegada a pegada


desde o sur


 

17-7-2019

de violadores e violadas


todas temos algunha amiga
que sofriu unha violación
ou algún tipo de abuso sexual
e se cadra moitas veces
nen o sabemos
e podemos ter algún amigo
ou coñecido violador
e tampouco o sabemos


un compa

 

 

 

13-7-2019

maxico e traxico


dixeron que era máxico
que el era mui práctico
e resultóu ser tráxico

átomo a átomo
partícula a partícula
o nocivo  plástico

un humano



08-7-2019

imaxinados sons



imaxinasons
o noso festival de jazz
que cada xullo nos traía
a riqueza dos seus sons

imaxinasons
o noso festival de jazz
pero so nos queda imaxinalo
xa que foi decapitado
polo inculto concello de vigo

imaxinasons
o noso finado festival de jazz
pero so nos queda imaxinalo
e lembrar aqueles sons
aqueles gratos concertos

na foto o imaxinasons
hai anos nas vellas travesas
coitada tamén hoxe a praza!


06-7-2019

vides e carballos



abandonadas as viñas
desfeitas as súas parras
que ocupan arbustos e aŕbores
pero estas cepas das vides resisten
buscan a luz e aghabean polos carballos

na ghaspara

 

04-7-2019

atahuapa e mikel

 


atahualpa e mikel
yupanqui máis laboa
coincidiron en euskadi
botando as súas trovas
os dous arrieiros e proscritos
outros dous paxaros sen gaiola

laboa e yupanqui
as pedras e os camiños
atahualpa e máis mikel
indíxenas e mestizos
sen fronteiras a voar
os dous paxaros proscritos

cordas pra voar i escribir
en versos libres e rimas
esa forma das guitarras
mulleres  e  travesías 
o laboa e o yupanqui
lekeitios e vidalitas

vidas cheas destes homes
cantan berran e recitan
atahualpa e máis mikel
ai grandes voces mestizas

 


rimas recitadas hai un rato
con voces e músicas de
pedro rafa paco e pablo 
no uf negra sombra con
décimas para un continente
e yupanqui el arriero
publicadas nesta casa

manolo pipas


03-7-2019

bretema no monte

 

 

baixo os cumios a brétema
a brétema sobre as árbores queimadas
outro día no monte e con el outra conversa

no freixo