Abril 2020

a dezasete de abril penso
nas letras de carvalho calero
o feito tantos anos agardado

pero as nosas letras
tamén foron golpeadas
pola pandemia do corona virus
e a pasividade dos gobernos
e temos as letras confinadas

coas escolas sen estudantado
interrelacionando coa súa obra
sen presentacións de libros
e tertulias e debates
sobre os traballos do mestre
sen murais nas rúas
nen recitas nos locais
sen concertos sen teatro…
sen a tradicional manifestación
anual do 17 de maio

os que mandan din de pasar
o día das letras galegas
para o 31 de outubro
polo cabodano de carvalho
pero outros que sentimos
a súa obra pero non mandamos
queremos a carvalho calero
nas letras do vindeiro ano

manolo pipas

o público non se vende
a sanidade as residencias
a educación os montes...
saqueadores nunka máis
o público non se vende

o cronista que estudóu
nas escolas  públicas

o confinamento empezóu tarde
e permitíndose estes días

os traballos non esenciais
sen a pamdemia controlada

e sen os medios axeitados
o desconfinamento desescalada
empezóu demasiado cedo
pero cando manda o capital ...

moitas residencias privadas
son máquinas de gañar millóns

mal axeitadas pra coidar

as nosas persoas maiores
desde domus vi a san rosendo
en moitas  residencias privadas
houbo moitas máis mortes
das ke din por este virus-europeo
e os seus patróns son uns asasinos

coa complicidade da xunta de galicia

o trump di que non vai poñer mascarilla
habería que poñerlle un bozal ou mellor
aínda coserlle os seus infectados beizos

nas últimas veces no supermercado
non había lexibia nen outros afíns
e sobre as miñas luvas de plástico
que traía da casa puxéronme
outras e un chorro de desinfectante
se non nos mata o virus matarános
toda esta química e os plásticos

hipócritas políticos e periodistas
din que esta crise en europa
é a peor desde a segunda gran guerra
pero esquecen as guerras dos balcáns
e a crise dos refuxiados alimentada
polas armas e as multinacionais
da des-unión europea

o confinado cronista

lavarse as mans
unha e outra vez

lavarse as mans
unha outra e outra vez
e nós podémolas limpar
e desinfectar

pero eles pero eles
o psoe o pp a patronal
a banka a monarquía
a igrexa o exército
hai anos que teñen
as súas sucias mans
manchadas de sangue
e nunca as poderán limpar


o insubmiso cronista
en confinamento

xoves nove de abril
para moitos chamado santo
neste estado que na práctica
non é para nada laico

nove de abril xoves

e a sanguinaria legión
tampouco sacóu a pasear
el cristo de la buena muerte
na súa procesión pola alarma

durante anos nós nos alarmábamos
con este e outros violentos
procesionamentos que tomaban
as nosas laicas rúas e prazas

a mala e cruel morte procesiona
polos hospitais e as residencias
especialmente en moitos
inhumanos xeriátricos privados
bendecidos pola corrupta e cruel igrexa
que se mantén co sofrimento das persoas

o apóstata cronista