Septembro 2020

27-9-2020

irmau baena


coma un irmau che falo
coma un irmau che falo...
os versos de celso emilio
daquela longa noite de pedra
nas voces dos primeiros fuxan
sonaban ante a tumba de baena
para dar paso á homenaxe
aos últimos loitadores antifranquistas
asasinados polo réxime fascista

memoria xustiza e reparación 

corenta e cinco anos despois
a longa noite de pedra
aínda non rematóu
coma un irmau che falo
coma un irmau che escribo





25-9-2020

teñvalded escuridade


TEÑVALDED

Na loar  steredenn
Mer koumoul liv-ludu
Riv am eus en noz du
Gervel’ran va steredenn
’Vel un den en harlu
- En e Ene trefu -
O ouelañ d’e Vamm-Vro
Peur e teuio va steredenn en-dro ?

ESCURIDADE

Nin lúa nin estrela
Senón nubes cincentas
Teño frío na noite negra
Chamo a miña estrela
como un ser exiliado
-na súa alma turnado-
Chora o meu país
Cando regresará a miña estrela ?

Anjela duval
(1905-1981)
novembro de 1970

versión de maría lopo
no libro canto e contracanto
antoloxía de poetas de bretaña

24-9-2020

a flor e o poeta



sobre a imaxe
de rubén darío
unha das últimas
flores do magnolio

a flor do poeta
a flor para o poeta
o poeta para a flor
a flor e o poeta

imaxe hai dez días

 

 

22-9-2020

magnolio equinocio

 

 

traio a esta xanela

máis raices do magnolio
o tributo ás nosas árbores
sempre será mui pouco
e a pesares de trumpayuso
hoxe tivemos novo equinocio
o sol a lúa venus os astros
dan enerxía para todos

 

 

20-9-2020

sesgado auditorio


imos a unha actuación
e o auditorio do centro cultural
agarda por un pouco de público
máis de dous tercios dos asentos
téñenos precintados por fitas
de plástico branco e bermello 
como os das pequenas obras

improvisada esta grande obra
a loita contra o corona-virus
con malos arquitectos
con mui bos operarios
pero con problemas de materiais
e sen miras de data de entrega


houbo pouco público

e estiveron ben as actuacións

con comentarios sobre o covid

pero faltóu unha cantiga

sobre o corona-virus e nós


 



17-9-2020

alameda e poeta



homenaxe a rubén darío
debaixo dun gran magnolio
na praza de compostela

faltanos na pedra 
a placa conmemorativa

que revelan uns buracos
e na mesma alameda
esta decrépita cidade
non trata ao militar
igual que ao poeta

hoxe non teremos recital

 

 



16-9-2020

árbore e banco



é moi alta a árbore
e longo é o banco de pedra
a árbore sempre chea de vida
pero hoxe o banco está baleiro
e séntome nel a escribirlles

praza de compostela

 



14-9-2020

cente-mario benedetti


cente-mario benedetti
sexteta e décima

cen anos de benedetti
o grande mestre charrúa
poemas contos e novelas
esa voz clara e segura
o mario lido e cantado
oriental a súa lúa

poética antoloxía
eu leo do mestre mario
poeta dos inventarios
cronista das utopías
orientales travesías
fronteiras e horizontes
tivo que botarse ao monte
por fusil levóu a pluma
con el escribo na bruma
e canto coa lúa na noite

manolo pipas

13-9-2020

de guerras e xenocidios


este último século
da historia da humanidade
seguiuse escribindo
con explotación e opresión
co sangue da espada e da cruz
e do fusil da media lúa
e das bombas da estrela de david
e outras desfeitas dos deuses
da guerra e do capital

o útimo século escríbese
con sublevacións e invasións
paseados e desaparecidas
bombardeos e violacións...
e con pésimos acordos de paz
que provocan máis guerras
e xenoci-dios

 

 

11-9-2020

raices do magnolio



teño moita debilidade
polas visibles raices do magnolio
e por toda a árbore pois
das raices até as follas e os froitos

alameda de compostela



09-9-2020

siria melilla

 

non saimos da guerra
para vivir nunha prisión
di un inmigrante preso
no ceti de melilla que fuxiu
de siria no 2015

hoxe ardéu
o campo de refuxiados
de moria en lesvos


como se fora melilla


07-9-2020

maxico mencer



cada mencer é máxico
a pesares deles e con eles
os arcolitos fora de lugar

a pesares de nós