06-12-2015

a abordaxe e as cativas

 


dixéronnos as cativas rotondianas

cotorritas abellas carmiñas...

que elas tamén queren subir

ao vello e amigo barco

 

preguntóume o diego

que nos dixo o alfageme

nesas catro horiñas

que lle fixemos compaña

 

este barco colocado

de costas ao colexio público

díxonos que está mui triste

afastado do mar e das persoas

e preguntóunos para que serven

a constitución e a xustiza

e díxonos que a súa pel

o seu casco se está pudrindo

e que desde a rotonda a cidade se ve

moito máis inxusta que desde o peirao

 

e na coberta do barco nós pensamos

que ben o pasarían nel as cativas

con obradoiros xogos cantigas ...

e que contento con elas e ales

estaría o querido alfageme

 

o rotondiano