13-3-2015

cidade fermosa das protestas



vigo cidade fermosa / ten rotas ben pintorescas

nun so día coma onte / podes ter catro protestas

 

concentración no xulgado / por montaxes policiais

dese barco na rotonda / que come axudas sociais


un pálido rotondiano / acusado sen sentido

ser traballador social  / é algo con certo perigo

 

isto foi pola mañán / pola tarde na rotonda

van vixiar ese barco / a civis global e aos goas

 

logo da súa asemblea / algúns destes rotondianos

sindicalistas apoian / inxustamente condeados

 

das escaleiras do marco / pasan á farola os micros

por outra causa mui xusta / un independista detido


hoxe temos pola noite / outra ética misiva

pola praza dos cabalos  / cos despidos de povisa

 

activistas de rúa e de click

cidade e país fermosos

pero sobran nesta terra

represores e mafiosos

 

o cronistadevigo