13-5-2016

homenaxes a manuel maría

 

 

na chá xa non canta o eixo

do teu carro poeta manuel maría

pero se seguen a cantar os teus poemas

antes por querencia por homenaxe

agora por todo isto e oportunismo

ti ben o sabes que che vou contar

coma pasa sempre nos homenaxeados

no día e ano das nosas golpeadas letras

 

non canta na chá o teu carro

non aran os bois pero chove

moito menos que no voso tempo

pero aínda somos o pobo da chuvia

menos pobo polo que estragan os darriba

e porque levamos xa uns anos emigrando

e porque nacen poucas voces que cantar

pero acá seguimos manuel maría

e vémonos o martes se a poesía dispón

na alameda de compostela

 

manolo pipas