14-3-2015

polas aldeas abandonadas

 

 

brétema no bosque

no camiño e na aldea

compañeira brétema

 

ergueita memoria

abandonado canastro

ai aquelas colleitas

 

este camiño de inverno

que leva ao pasado

que non se perda

 

a natureza ocupa

cada casa abandonada

cada aldea perdida

 

caldeiros de metal

canta auga subida

canta a carrexada

 

o cuarto e a cama

a xanela e os soños

espertos e dormindo

 

desaparece o rural

a cidade que o golpea

desaparecémolo todos

 

vello labrego coa fouce

temos unha como a tua

hai tempo que non a uso

 

cae a cal das paredes

as paredes van cair

e caerán as casas

 

con estas imaxes

eu sinto tristura

e sinto vértigo

 

solitario vello gaiteiro

vai convertir o alalá

nun requiem pola aldea

 

para unhas fotografías

de vicente ansola

como esta imaxe

 

manolo pipas