12-2-2014

memoria da bouza e coia




unha parella xa maior

que naceu no barrio ou veu de fora
dencansa á beira dun reclamo
é unha foto do barrio da bouza en coia
penso que a finais dos setenta
sentados á beira do campo gitano
así chamado popularmente por nós
polo campamento que había perto del
e a esquerda as cocheiras dos tranvías
onde nós xogábamos de nenos
e detrás delas os ameazantes edificios

onde está o campo de fútbol
agora temos o parque da bouza
e debaixo dela a bouza vella
piñeiros e carballos e a charca
coa seu rico ecosistema húmido
pero aínda faltan espacios culturais
e esta foto atopeina con outras exposta
na biblioteca neira vilas do calvario
nunha charla sobre os ultimos anos
de coia das leiras aos grandes bloques

o despoxo dos que ali vivían en pequenas casas
e a construcción do novo barrio incumprindo
o proxecto orixinal coa masificación dos edificios
as barriadas dormitorio de infraestructuras materiais
e equipamentos deficitarios e as poucas zonas verdes
as drogas chamadas duras e a delincuencia
que quen sabe como e porqué entraron
e de todo isto se defendeu pacificamente
o asociacionismo do barrio da faixa da imaxe
o movimento cidadán de dorna rueiro luar ...

e ainda hoxe algúns dos nosos vellos camiños
mal asfaltados de coia seguen sen beira-ŕuas
e con iluminación deficiente para chegar ás casas
como surrealistas reductos da coia rural orixinaria

o cronista
desde o camiño de figueirido