19-9-2013

portas muros e fronteiras




portas muros e fronteiras

soños rotos pesadelos
non nos levan a ningures
os camiños deste tempo

raia seca que te queima
raia humida destroza
miles de aramios de espiños
o teu corazon deboran

ser distinto é un delito
se non te ven non molestas
crudo formigon dos muros
en vez de auga sangue levan

entre gaza e miami
entre tijuana i melilla
pasan miserias e mortes
por enriba da utopia

entre pasado e futuro
o presente mal avanza
mil atrancos que lle poñen
ao camiño da palabra


manolo pipas

texto do libro
viaxe ao pais das nubes
musicado e grabada
polo grupo os carunchos
imaxe destes dias inmigrantes
querendo entrar en ceuta