14-12-2013

o internado e a luna




éste é un dos tres ultimos internados  
que se fixeron logo daquela revolución
nenas e nenos de familias pobres  
e nenos da rúa e dos subterráneos
xuntos cinco dias entre muros  
entre as súas clases talleres e xogos
para que o venres volvan algunhas  
coas súas familias ás súas casas

luna xogando coa súa pandilla  
na auga da soleada alberca
e sae a repartir bicos entre nós  
e logo tres nenas de uniforme verde
veñen até nós e platicamos un pouco  
pero tardo un estraño tempo
en descubrir que unha delas  
é a nena luna da alberca

e saímos desta porta destes
muros
con preguntas e silencios
con preguntas que te calas  
e silencios que van contigo
con ganas de voltar e de fuxir  
descobrindo pequenas cousas
entre estes gastados muros  
fillos daquela lonxana revolución
muros e rúas   rúas e muros   
o vello internado e a nova luna

manolo pipas
cidade de mexico 08