aperta de carvalho calero

Aperta

Oh , a justa armonia
daquela aperta nosa,
rítmica, silenciosa,
matemática, pura,
compasada, perfeita.
Beizos eran sorrisos
ollos eran olladas,
perto dos uns ou outros
sen achegar-se a rentes,
todos serenidades.
Oh, a aperta serena,
geometria, justeza,
cheia, redonda, donda,
sen ocos, sen arestas.
O ser e o deber ser,
o real e o ideal:
hegel na nosa aperta


poema de vieiros 1930
edición e grafía de 1980
en pretérito imperfeito

obra poética 1927-1961

ricardo carvalho calero