en baiona hai un veleiro
que caravela lle chaman
coas súas sucias entrañas 
do falso descubrimento,
aqueles estraños ventos
trouxérona a baiona
que hox vive como propia
esa festa da arribada,
derruban a mascarada
as compas da lacandona

cinco seculos pasaron
e as compitas zapatistas
devolvennos a visita
e nos somos conquistados
por unha montaña barco
por un veleiro da vida

o mastro do veleiro
non é dunha ceiba
a árbore totémica maya
e moito mellor así 

e nese barco montaña
sementes tampouco traerán
traerán a semente
da sua comunitaria palabra
e quererán coñecer
as árbores e os froitos
das nosas tribos

festival tras festival
da poesía estaba xela
a súa voz escura estrela
vai enchendo todo o val

a roqueira e activista
nestas letras a homenaxe
con xela arias a viaxe
rápida e curta a súa vida

desde sarria a salvaterra
o verso de xela arias
vai derrubando as murallas
coa súa escura estrela

unha pequena serra
á beira do mar
unha das poucas
serras do país
sen muiños de vento…

a groba está ameazada
como a súa veciña
serra do galiñeiro
na que agora pararon
os esquiladores proxectos  

parou a chuvia
e agora andaredes
a camiñar na defensa
da serra cara o seu alto
 
sos serra da groba
a groba non se vende
as serras son de todas

nas costas do mediterráneo oriental
nese continente que chaman asia
e pegada a áfrica e perto de europa
unha pequena franxa de terra
está mui densamente poboada
sobre todo por indíxenas e mestizos
expulsados da súa matria

esta pequena franxa de terra

que chaman gaza de palestina
é masacrada polos poderosos
integristas e fundamentalistas de israel
co apoio do imperio yanki
e a complicidade deste reino
e de medio mundo

da ocupada cisxordania
onde as palestinas viven en apartheid
os hipócritas medios falan de guerra
civil de baixa intensidade 
e de linchamentos dos dous bandos
pero dos moitos golpeados e mortos
palestinos non se sabe o número

guerra ocupación
masacres xenocidio...
é o que práctica israel
desde hai ducias de anos
e estas semanas palestina
está a sofrir outro tráxico golpe