14-10-2022

fillas e fillos do monte

vai e ven moita calor
para estes días mediado outubro
moita calor como hai cinco anos

hai algo máis de humidade
e sopra moito menos o vento
pero o monte case todo
está muito peor que daquela
máis golpeado máis alleo
e máis perto do lume
e nós fillos e fillas do monte
máis vellos e con menor enerxía

polo monte comunitario moitas

quedastes mañán en compostela
uns poucos nos veremos en freixo

no medio do monte


o neto do freixeiro





26-8-2022

lorca entre nós

 

 


lorca outra vez entre nós
nós homenaxeando a federico

e na coberta desta antoloxía
do poeta granadino
o seu debuxo e unhas palabras
de adicatoria a un amigo

lorca poesía e teatro   
a pluma e a guitarra
federico debuxo e recital
o piano o xardín e a barraca

as pombas escuras
o ferido pola auga
a terrible presencia
a raiz amarga

marchan os nenos do cumpleanos
na praza de pedra do edra
quedan as pombas entre as sillas
e na maltratada oliveira
rodeada polos de uniforme de pedra...

lorca outra vez entre nós
nós homenaxeando a federico


en cursiva palabras
do divan del tamarit

18-8-2022

terrible amargo lorca


na coberta desta antoloxía
do poeta granadino
o seu debuxo e unhas palabras
de adicatoria a un amigo

lorca poesía e teatro   
a pluma e a guitarra
federico debuxo e recital
o piano o xardín e a barraca

as pombas escuras
o ferido pola auga
a terrible presencia
a raiz amarga


en cursiva palabras
do divan del tamarit



14-8-2022

noite mui triste


a noite foi mui triste
eu fora e o lume aquí
pegado a miña casiña

dorinda
a última de trabazón
aldea do irixo 

 

09-8-2022

hiroshima nagasaki


77 aniversario
de hiroshima e nagasaki


das árbores da paz

de nucleos i enerxías

esas illas do pacífico

fráxil xapón

de mariupol a tinduf

entre nador e melilla

guerra


poemas da intervención poética
xa publicados neste espacio

 

25-7-2022

se contara a terra


se puderan falar

os carballos as carballeiras
se dixeran palabras as lobas
se contaran os ríos e as serras

matria valdeorras
o courel o invernadeiro ...
non falan pero todos penan



12-7-2022

puntos de vista por galeano


En alguna pared de la ciudad
de S. Francisco una mano escribió 
" Si el voto cambiara algo, sería ilegal".
En alguna pared de Río de Janeiro, otra mano escribió:
" Si los hombres parieran, el aborto sería legal".
En la selva, ¿ llaman ley de la ciudad
a la costumbre de devorar al más débil?
Desde el punto de vista de un pueblo enfermo,
¿ qué significa la moneda sana?
La venta de armas es una buena noticia para la economía.
 ¿ Es también una buena noticia para sus difuntos?

eduardo galeano
do libro patas arriba




03-7-2022

da vegana feira


vegana feira vegana
nada con dor animal
na comida e no vestir
casa saúde e camiñar

vegana este bo encontro
a feira do veganismo
neste planeta infeliz
na inxusta cidade de vigo

primeiro a proximidade
froitos da nai terra
aloumiños e alcouves
directos chegan á feira

dime unha expositora
pros estómagos enganar
veganos queixos e chourizos
pancetas atúns e demáis

cereais e cogumelos
leguminosas e cabazas
con pimentón e outros polvos
darán boas carnes veganas

moito plático de envases!
canta auga se precisa
combustible e corrente
pra facer unha salchicha?

palestras obradoiros xogos...
do mundo globalizado
pero falta ecoloxía
neste camiñar vegano

a terra pra quen a traballa
e máis pra quen a respeita
veganismo ecolóxico
soberanía alimentaria

o cronista


28-6-2022

paxaro e marco


o paxaro póusase
sobre o marco da finca
e cara adentro e cara afora
e diante e detrás del
todo é seu




26-6-2022

entre nador e melilla

 

áfrica chora polos seu fillos
áfrica é o meu unico amor
pintóu un ninguén nunha pedra
no monte gururú dos inmigrantes
da vila fonteiriza de nador

entre nador e melilla
represor e asasino estado marroquí
cómplice estado e goberno español
e cómplices mafias de traficantes
entre melilla e nador
entre áfrica e europa


outro ninguén


 



Distribuir contido