09-6-2015

os puños e as bocas

 


os puños que se pechan

de raiba e impotencia

e os dentes apretados

que non berran

 

as pernas non sosteñen

os golpes da miseria

mal respira e suspira

a conciencia

 

desencaixados ollos

ai que chorar quixeran

e todos estes corpos

non renegan

 

os puños que se pechan

de raiba e desespero

e as bocas apretadas

gardan berros

 

 

escrito para os detidos

da revolta de oaxaca en 12-07

e publicado no libro

a milpa e o paliacate

na imaxe os detidos

en oaxaca o domingo