10-2-2013

a viaxe os poemas as cancions




viaxe ao pais das nubes

versos e recitado manolo pipas
musicas e canto servando barreiro
sobre os mestizos libros
viaxe aos pais das nubes
e a milpa e o paliacate

encontro na cova dos ratos
o xoves 14 as 21.30
na cova dos ratos
rua romil 3

debuxo de pedro currás
portada do libro
viaxe ao pais da nubes

el maiz da identidad                        
y es nuestro faro
el maiz compañero
de destino          

montañas e mais montañas
unha serra e outra serra
os pobos en asamblea
van cumprindo a sua palabra
comunidade con calma
que vai medindo o seu tempo
o planton e o movimento
precisan dos seus topiles
e nas marchas seguen miles
miles contra o mal goberno


09-2-2013

cravos bermellos en asamblea




homenaxe a manolo soto

esta man de muller
amiga compañeira veciña
recolle un cartaz da homenaxe
na amurallada praza da oliva
a manolo soto o rata
e con el moitos sentires e imaxes

no mediodía de hoxe
na beira do miño salvaterra
a sua foto co sombreiro
a bandeira coa bermella estrella
e flores de tantas cores
cos cravos bermellos en asamblea
a palabra a poesía a canción
voces e apertas de amigos e compañeiras

en salvaterra a 9-2-2013
as voces do festival xan e irene
e kiko neves uxía senlle
os seus compañeiros de traballo
tino baz  mini e mero
e gaiteiros os cuncheiros

manolo pipas


09-2-2013

manolo soto poesia




ollo a faixa do ultimo festival
na muralha de salvaterra do minho
o ceo a faixa o sol e a erva a medrar
e hoxe a poesía segue o seu caminho

manolo soto vives na memoria
na muralha os ecos de poemas e cancións
e sobre todo o eco dos vosos trabalhos
a matria o colectivo a resistencia a paixón

manolo pipas


08-2-2013

das arbores de castelao 7




dos corazóns de árbores e homes

a árbore dos dous corazons
foi talada onte a mediodía

o corazón partido
da imaxe das arbores de onte
foi arrincado pola tarde
como outros bermellos corazóns

hoxe a que árbores
e a que corazóns lles tocará !?

e os corazóns dos homes !?

o cronista


07-2-2013

das arbores de castelao 6




os corazons das árbores

e ducias de árbores
do teu paseo amiga
entre os volcans
e o alto de coia
amenceron hoxe
cos corazons saidos
e a este chopo que ollou
as árbores irmans taladas
se lle partiu o corazón

o cronista


06-2-2013

da maxia á desfeita




cando paseo pola cidade
atopo moitas desfeitas
e ás veces máxicos rincons

esta arbore da imaxe
entre dous edificios na rua
do escultor gregorio fernandez
é un aguacatal como unha
escultura viva co seu marco
que naceu no medio do lixo
dunha pepita que ali debeu cair

do rincón maxico
pasamos á desfeita
onte pasei por esta rua
e desvieime para ver a arbore
e meses despois xa a cortaran

nen tiña cámara de fotos
nen paga a pena publicar
a posible nova imaxe

da maxia a desfeita

lariño


05-2-2013

do río eifonso




por estas furancheiras terras
pasa o río eifonso pasa
coas suas augas espertas

o rego baixa
e nós subimos
entre muiños
que agora calan

o da pedrosa
e o do buraco
os dous calados
ningún xa rosma

vai pro lagares
o río eifonso
por entre o bosco
vai pra cidade

e rosma o rego
por entre as casas
moita da raiba
do noso tempo

lariño


04-2-2013

as escaleiras e outro andar




onte na rua das portas verdes
da imaxe da cronica anterior
entramos no edificio dunha amiga
pero que perdeu a porta orixinaria
e por estas escaleiras nós subimos

os pes sobre madeira de arbores
de quen sabe que lonxano bosque
que cecais xa non existe
as mans sobre a varanda
e entre as duas madeiras os ferros
de quen sabe que mina ...

subimos a un terceiro andar
ou altura da chamada rua do prazer
e seguimos a falar dos camiños da vida
da poesia da festa e dos sofrimentos
das viaxes dos compas e das resistencias

manolo pipas

a ana lola garcia e eva



03-2-2013

das portas e os andares




uns pequenos apontamentos
de tres libros colectivos

a porta verde do setimo andar
nove voces
setimo andar poesía alén
nove voces
e repeten tres
sétimo andar
nove voces
e repeten os mesmos tres
mais tres da poesía alén

entón botando contas
nove mais nove mais nove
neste caso suman dezaoito
que algunhas voces repetiron
nove creadoras e nove creadores

ah!
a porta verde está ben
definida e repetida
e porque sétimo andar
e non noveno andar?
pregunteillo onte á porta verde
na presentación do sétimo andar
pero non me contestaron

e recitamos nove voces
e coa aberta porta verde
pasaron duas mais a recitar

manolo pipas


02-2-2013

a porta o andar as pegadas




      a miña nai e meu pai
      por tantas portas e cores

a miña porta é branca
e o meu portal é verde
e desde a miña planta baixa
das palabras envolventes
ollo para o setimo andar
das compañeiras voces
que preparan un recital
de poemas para esta noite

con eles as veces camiño e recito
imos deixando pequenas pegadas
nas covas e nos montes altos
nos espinhos nas praias e nas airas

a porta o verso a poesia
somos un pouco de memoria
un pouco de memoria que camiña
abrindo pechando e abrindo portas

manolo pipas

publicado no colectivo libro
setimo andar que presentamos
esta noite as 9 na cova do ratos


Distribuir contido