22-2-2013

freixos e freixeiros




o meu avó materno
ao que lle debo
o nome
e moitas cousas máis

era da aldea do freixo
e alá a familia aínda ten
unhas coutadas en poulos
que as árbores foron recuperando
salgueiros carballos piñeiros...
pero nunca vin un freixo
polas terras da tribo do meu avó
manuel o freixeiro

por oaxaca os chinantecos da serra
teñen ao fresno coma a arbore sagrada
acá na cidade polo bosque de chapultepec
entre ahuehuetes e liquidambas
tamen hai uns grandotes freixos
e na antiga facenda de chapingo
que agora é a universidade agricola
está a calzada dos freixos centenarios
cunha escultura que representa a nai terra

manolo pipas