21-5-2017

a brincos cos títeres



títeres de redondela
festival das ilusións
a internacional paixón
anda a brincos na alameda


dezaoito son os anos

de telóns e brincadeiras

ese  rato  cafeteira

que siga roendo maios


títeres en movimento
no paseo da xunqueira
e polas prazas choqueiras
algún reparte os seus versos

a  cabra  titiriteira
do  xip  xap  itinerante
vai pratrás e vai pra diante
co corazón de madeira

mercado titiriteiro
e títeres pola gorra
hai algunha cachiporra
e fanfarrias e gaiteiros

debaixo do grande cedro
a zancuda trashumante
quédase cos paseantes
todos nós titiriteiros

o dos versos