03-3-2017

berta de moitas augas

 


lenca o lugar de moitas augas
e berta lenca é auga e palabra

berta cáceres amiga
do hondureño pobo lenca
fondas as vosas raices
da comuna que é a terra

irmán de mayas e olmecas
roubaron a lenca fala
pero as vosas culturas
seguen vivas como as augas

berta cáceres é auga e palabra
das súas culturas comunitarias


o seu río gualcarque
ten unhas augas sagradas
e son as mulleres lencas
coas nenas as gardianas

berta co seu grupo copinh
contra as presas e as minas
defende as augas e as terras
indíxenas e mestizas

mataron a compa berta
na cidade de esperanza
nese lugar sementaron
o seu exemplo e palabra


berta cáceres auga e palabra lenca

rebelde memoria camiñando a terra


manolo pipas