04-9-2015

lourido uvas música conversa

 

 

faltan uns pouquiños días

pra que maduren as uvas

agardan mans e capachos

os pes o lagar e as cubas

 

algunhas maduras como

que non chegan á vendima

unhas tintas outras brancas

as folieiras dóces rimas

 

e brancas e tintas foron

as mazurcas e foliadas

pero sen probar os caldos

foi pasando esta velada

 

entre as uvas de lourido

nós a sanidade a matria

a música e as conversas

que son da mellor terapia

 

a maría antón luis e begoña

uvas e solpor do martes un

versos lourido-coia

 

pipas