15-3-2015

bogo e outras memorias

 

  

               a anxo ocampo

 

vilargondurfe san paio vilaeimil

herbelle vilarxubín e bogo

teñen imaxes como esta

de vicente ansola

 

bogo esa aldea da pontenova

hai moitos anos era para min

so o nome dunha mercería

bogo un nome extraño e máxico

no baixo do edificio dunha rúa

importante da miña cidade

pero detrás dela había e hai

tamén casas abandonadas

como en toda a cidade de vigo

centos de abandonadas casas

mesmo varias no meu camiño de coia

perto do surrealista barco na rotonda

 

máis tarde coñecín ao fillo

da señora daquela mercería

el nacera na emigración en francia

ela era da golpeada aldea de bogo

 

anos despois baixei polo río eo

e estiven en bogo e outras aldeas

e lembro especialmente a ferrería

co seu mazo movido pola auga

que fora recuperada e que agora

está abandonada polos gobernantes

 

a mercería bogo hai anos que pechou

o camiño levoume o venres pola súa rúa

polas brétemas da súa memoria

 

poema recitado onte en lugo

coas aldeas abandonadas


manolo pipas