Marzo 2015

31-3-2015

maruja e o valse

 


  a tito e a miña familia materna


mariá mariá

se vas ó río lavar

non refregues a roupa

que a podes rachar...


sonóu a gaita este luns

cantamos á beira mar

o valse desa maría

sobriños cuñado e irmán

 

o valse da tía maruja

con el queroa eu lembrar

entre matamá e freixo

polo pazo e o curral

pola moo e a ghaspara

fora moito o camiñar

campos e casa matriz

e sempre aberto o lugar

 

manolo pipas

 

 

29-3-2015

65 destapada a vergoña da rotonda

 


na mesma noite do día da reconquista

os traballadores esbirros de abel borbón

retiraron os valados que tapaban

as súas vergoñas na rotonda de castelao

mentres os seus subditos festexaban

comían bebían e danzaban no casco vello

pola expulsión dos veciños franceses

e a recuperada monarquía absolutista


esta barriada de coia

a cidade e a xente do mar

non merece isto nen este gobernante

 

acenderon as luces e molestaron

unha vez máis ao fantasma do alfageme

e as doce da noite apagaron as luces

como se aqui non pasase nada


pero ao día seguinte os covardes

non se atreven a inauguralo

 

o cronistadecoia

 

 

 

28-3-2015

bonapartes e borbons

 


festa histórica e laica

a reconqusita de vigo

expulsados os franceses

e volta ao absolutismo

 

liberados dun imperio

da ilustración liberados

perdimos a guillotina

na nobreza suspiraron

 

caballero bonaparte

ou abel borbón primeiro

escolle que ti prefires

mete na urna o boleto

 

liberté igualité

veciños fraternité

e que viva carrefur

o alcampo e citroén


reconqusita conquistada

polo consumo paisanos

coa nosa pouca memoria

seguiremos festexando

 

o cronista

 

 

26-3-2015

coruña mexico coia

 


entre a estación de tren da coruña

e a facultade de educación

onde tiña a mexica palestra

pasamos por unha rotonda

cun secuestrado pequeno barco

a extravagancia de paco vázquez

que inspirou ao seu alunno abel

 

na plática do golpeado mexico

o terrorismo de estado cos narcos

e as eólicas de capital español

contra os movimentos sociais

e coa desobediencia civil

as intervencions dos estudantes

lévannos ao terreo lokal

e chegamos a insubmisión

e a loita da rotonda de coia

mentres vos a mesma hora

xogábades coa policía

e facíades unha sentada

parando o asfaltado

 

 

 

25-3-2015

o rotondiano distinguido

 

 

vello emilio que elemento

este asturiano de coia

cristiano comunitario

dunha revelde parroquia

 

profesor mui vacilón

bo fumador camiñante

gran pagador de cafés

rotondiano dialogante

 

vello emilio o asturiano

aquel defensor da bouza

el medita o seu retiro

nun barco nunha rotonda

 

rotondiano nomeado

bo vigués mui distinguido

menudo soponcio agarra

o alcalde desteñido

 

vello emilio meu amigo

se este premio é moi pesado

imos todas recollelo

todos somos rotondianos

 

foto de mora primeiro día

rotondiano 4-12-2014

 

o cronistadecoia

 

 

24-3-2015

sos mexico ayotzinapa presente



as desaparicións de estudantes

en ayotzinapa cumprion seis meses

e volvo a remover este caso

e outros terrorismos de estado

que tiven próximos alá entre oaxaca

chiapas atenco e o distrito federal

 

busco na rede informacion recente

e leo que o normalista aldo gutierrez

segue en coma pola represión daquel día

e os desaparecidos non aparecen

suposicions desmentidos e máis mentiras

a xustiza cada vez máis lonxe

 

sos méxico ayotzinapa presente

palestra de manolo pipas na facultade

de ciencias da educación da coruña

campus elviña mércores 25 as 18:00

organizado por mar de lumes

e a liga estudantil galega



 

23-3-2015

povisa baixons de tension

 


povisa oito da mañán

ao meu pai acompaño

a unha pequena operación

e na porta deste negocio

subindo as escaleiras

vexo a unha muller no chan

e quen con mimo e esforzo

ergue ás súas pernas

é unha das traballadoras

en folga de fame

que di que a señora ten

un baixón de tensión

 

na entrada-recepción segue

o improvisado campamento

cartaces e unha mesa de sinaturas

e colchóns onde poden descansar

e tentan dormir nas longas noites

molestad@s polo segurata de turno

e fóra unhas faixas e un tental

con máis cartaces e follas

con textos e debuxos de apoio

 

na noitiña regreso a povisa

e de toda esta protesta-proposta

dentro non fica nengún rastro

as compas na tarde en asemblea

decidiron baixar a tensión

polos seus problemas de saúde 

e pararon a folga de fame

e a movilización-concienciación

seguirá doutro xeito

 

fora tamén falta o tendal

e so fica pegado a unha farola

un cartaz con este radical texto

colga a túa opinión

 

manolo pipas

 

 

22-3-2015

trece días sen comer

 


folguistas dun hospital

que parastes de comer

golpeada a sanidade

estades a defender

 

centro médico povisa

medicina é outra cousa

o teu dono mira os cartos

non ten ética e vergoña

 

trece días xa de fame

pero un non aguantóu

tres manteñen a batalla

non se mira a solución

 

hoxe día mundial da auga

contaminada privatizada...

 

 

22-3-2015

manuel antonio illa malveira

 

 

equinocio de primavera eclipse

lúa nova e unha das mareas

máis máis altas do século

por manuel antonio o poeta

e nós chegamos a rianxo

cando se retiraba a marea

 

 

manuel antonio poeta do mar

rianxo a ría e fora mar aberto

a travesía o camiño certo

o teu paquebote abordar

 

illa malveira das arousas

a manuel antonio homenaxe

nós subimos ao barco de pasaxe

ondas de catro a catro e foulas

 

desabitada pequena malveira

á beira da illa da cortegada

a nosa homenaxe trazada

polas túas palabras ventureiras

 

oitenta anos despois

na malveira erguido o monolito

e no barco fronte á illa

recitados os versos dos amigos

 

 

e logo no auditorio de rianxo seguiu

homenaxe nas voces dos veciños e poetas

no mar e na terra interviron xosé luís axeitos

xesús santos suárez fernando quintela gallego

xosé luí méndez ferrín adolfo muiños

anxo angueira marta dacosta f. r. lavandeira

alexandre neriu manuel rivas ana romaní,

cesáreo sánchez e a aula da cultura

musical da mariñeira rianxo

 

 

20-3-2015

libros e poesía en nigrán



unha modesta feira do libro

sabado 21 en nigrán

debates presentacións recitais

música películas...

 

o barco do cartaz navegando

en augas que son libros

será parente do alfageme?

botaremos versos rotondianos

no equinocio da primavera


algún destes barcos colleremos

para subir polas rías até rianxo

que alá pola tarde  hai máis poesía

na homenaxe a manuel antonio

 

mañán seica é o día

mundial da poesía

 

 

20-3-2015

sanidade publica e digna

 

 

pola manán estivemos en povisa

apoiando as traballadoras

e traballadores en folga de fame

pola nosa sanidade xa dez días

e acompañamos darredor do centro

a manifestación de apoio da cig

a voceira folguista está débil

pero a súa voz e as súas palabras

tiñan muita forza e raiba

 

na noite na manifestación unitaria

uns rotondianos puxémonos

onde non había bandeiras

e compartimos as consignas

desa sanidade que non se vende

que está case toda vendida

no futuro hospital @s traballadores

até terán que pagarse o aparcamento

 

logo miramos de quen era

a pancarta na que íamos detrás

e era das compas de cardioloxía

son e somos puro corazón

 

manolo pipas

 

 

 

18-3-2015

os xuizos e o teatro

 

 

a xustiza ten unhas formas teatrais

as roupas o xeito de falar e escribir …

su señoría diligencia señor letrato...

sospeitosas as letras que empregan

 

a xustiza é teatro

o cómico das declaracións

e a traxedia das condeas

a xustiza como o teatro que imita

moitas veces é pura mentira

 

no xulgado de vigo a declaración

de diego traballador social e rotondiano

traballo e voluntariado altamente perigosos

un acusado con delitos inventados

 

que fagan un xuizo popular

nun parque da barriada de coia

que se xulgue a empresa civis global

que declare a ultraxada rotonda

que xulguen ao alcalde e ao psoe

e a violencia e as mentiras da policía

e que xulguen a toda a asemblea

e que declare o secuestrado barco

 

o cronistadecoia