Xaneiro 2020

31-1-2020

respira o monte

 


camiña e respira o monte
con calma segue cos ollos
as súas formas e cores
pecha os ollos escoita ule…
aloumiña apalpa respira
toma un baño de bosque

na ghaspara

 

 

29-1-2020

do ano da rata


hai uns dias
coa lúa nova
comezóu o ano da rata
das milenarias culturas orientais
unha é a rata de campo
outra a rata de alcantarilla
un bicho de mala fama

animal asociado aos homes

que con nós conquistóu o glogo...


a rata animal que come calquera cousa
roedor que fai limpeza do que nos sobra...
o ano da rata ano de...



28-1-2020

infectado planeta


o planeta está infectado
por un perigoso virus
o autochamado homo sapiens
co seu virus da civilización
capitalista-consumista
que non para de mutarse

a humanidade e nós mesmos
un virus que arrasa o planeta
de auschwitz a fukushima
da amazonia a wuhan...

 

 

24-1-2020

sen teito sen vida

 


un chamado sen teito
un novo morto na rúa
empobrecido abandonado
esquecido … asasinado
pola inxusta cidade de vigo

dereito a unha vivenda digna
indignos gobernantes constitucionais
que imcumpren os seus básicos artigos

 

 

23-1-2020

inmensa gota fria


a gota fría gloria
chamada como a calefacción
da cultura e imperio romano
de aí ben o dito estás na gloria
a gota fría e fría gloria
que paradoxo neste mare-nostrum
miles de anos aturando civilizacións
que saquean saquean e contaminan

o desaxuste climático
de calentamento global
pero con picos mui fríos
pois a terra non atura moito máis
e o mar re-toma o que é seu
recheos paseos marítimos
portos deportivos...

 

20-1-2020

poemas refuxiados


neste vello café mariñeiro
foi cumprida a noite refuxiada
de catro a catro poema a poema
imaxino ao capitán manoel antonio

co seu paquebote nalgún mar

recollendo náugragos migrantes



poemas recitados que podedes
atopar poñendoos no buscador

mamá africa

antoine e o principiño

europa fronteira xenocida

refuxiadas boas xentes

aramios manchados de sangue

canto vale unha persoa

cómplices de idomeni

mediterráneo río evros

desprazadas refuxiados ...

cantos e traxedias gregas


 

19-1-2020

cantos e traxedias gregas


penso nas historias gregas
dame o sol no meu caderno
onde nacen estas letras

escoito cancións helenas
ítaca  lesvos  i  smirna
coas súas milenarias lendas

esas musas e outras deusas
os buzukis os sirtakis
afinados coas estrelas

esas salgadas conversas
enredados laverintos
na mariñeira taberna

debaixo dunha figueira
un poema de kavafis
recita nikos a fedra


e penso na traxedia grega
de miles de refuxiadas
que vomitan as mareas

europea e global traxedia
ítaca atenas idomeni
cantos soños cantas perdas


coa rede de refuxiadas

onte no de catro a catro
con outros poemas
entre ceuta e atenas 
xa publicados neste espacio

manolo pipas


 

16-1-2020

noite solidaria

 


noite solidaria
coas persoas refuxiadas
refuxiada noite
de persoas solidarias
a noite a lúa a terra
non teñen fronteiras

noite solidaria
con teatro música e poesía
no café de catro a catro
sabado 18 as 20.30
organizada pola rede galega
de apoio ás persoas refuxiadas
non no noso nome

 

 

 

 

15-1-2020

simbolica arbore



o sol a chuvia e o vento
aceleran a descomposición
da árbore queimada e morta

as fotos non son inmortais
pero lle dan outra vida
a simbólica árbore


na ghaspara

14-1-2020

terra e burras



a burra lila coa nai naba
chegadas do baixo miño
agora pola ghaspara
tedes uns pastos de abondo
con vós a terra coidada

no freixo

 

 

12-1-2020

de arcolito a arcolito


subin ao monte
e nos poulos da familia
arrinquei xestas cortei silvas
xuntei polas que tirou o vento
logo de que arderan e secaran
alguns piñeiros e carballos co lume

e a beira dos camiños e nas coutadas
darredor e na abandonada presa
arrinquei os perigosos arcolitos
e pensei nos koalas e no bosque irmán
que se queima estes días en australia

na ghaspara

09-1-2020

arden koalas e kanguros


arde a terra de koalas e kanguros
e o seu fume chega a patagonia
arde o presente queimase o futuro