a noite foi mui triste
eu fora e o lume aquí
pegado a miña casiña

dorinda
a última de trabazón
aldea do irixo 

se puderan falar

os carballos as carballeiras
se dixeran palabras as lobas
se contaran os ríos e as serras

matria valdeorras
o courel o invernadeiro ...
non falan pero todos penan

vegana feira vegana
nada con dor animal
na comida e no vestir
casa saúde e camiñar

vegana este bo encontro
a feira do veganismo
neste planeta infeliz
na inxusta cidade de vigo

primeiro a proximidade
froitos da nai terra
aloumiños e alcouves
directos chegan á feira

dime unha expositora
pros estómagos enganar
veganos queixos e chourizos
pancetas atúns e demáis

cereais e cogumelos
leguminosas e cabazas
con pimentón e outros polvos
darán boas carnes veganas

moito plático de envases!
canta auga se precisa
combustible e corrente
pra facer unha salchicha?

palestras obradoiros xogos...
do mundo globalizado
pero falta ecoloxía
neste camiñar vegano

a terra pra quen a traballa
e máis pra quen a respeita
veganismo ecolóxico
soberanía alimentaria

o cronista

áfrica chora polos seu fillos
áfrica é o meu unico amor
pintóu un ninguén nunha pedra
no monte gururú dos inmigrantes
da vila fonteiriza de nador

entre nador e melilla
represor e asasino estado marroquí
cómplice estado e goberno español
e cómplices mafias de traficantes
entre melilla e nador
entre áfrica e europa

outro ninguén

                 a luís e rafa

paco do uf que longo
tempo de cafés e músicas
de exposicións e películas
longo tempo de conversas

paco do café uf
e do negra sombra
que breve seguíu
a túa vida fóra do café

longo tempo compañeiro
boa viaxe boas sombras 
e saúdos ao espírito
do vello loureiro do patio 

manolo pipas