panificadora

vella e abandonada panificadora

entre o castro e o casco vello

o inmenso forno que amasou pan

que amasou vidas e soños da comunidade

vella e abandonada panificadora

sempre ollando para o tamen golpeado mar

edificio espacio esporadico dalgun sen teito

dalgunha esmoleira dalgun corpo abandonado



vella e abandonada panificadora

entre o casco vello e o monte castro

paredes que chamaron polos grafiteiros

e outras mais altas que chaman a escalada

vella e abandonada panificadora

irmán da fabrica de massó e tantos outros

templos modernos da arquitectura civil

que foron derrubados pola sen razon



vella e abandonada panificadora

entre a cova dos ratos e o noxento concello

agora amasando fantasmas e propostas

e outros sempre amasando especulacion

vella e abandonada panificadora

as paredes os patios as sas os silos

e a cheminea espacios que cecais chamaron

a unha okupacion social do edificio



e en maio do 2007 houbo nesta construccion

unha reclamacion publica do espacio

por persoas de diversos centros sociais do pais

e foron botados pola amable policia

baixo a ameaza dun brutal desaloxo

e seguiron o encontro noutro espacio

con mui pouca repercusion publica



vella e abandonada

e golpeada vella panificadora

manolo pipas

de sétimo andar, poesía alén

libro colectivo da porta verde

presentado onte na cova dos ratos