comparsa faraónica do barco

a comparsa faraónica da barriada de coia

leva unha pirámide-alcaldía fóra de servizo

e enriba dela un pequeno barco alfageme

o monumento é arrastrado a man

por ducias de escravos veciños

e diante vai a comitiva suprema

co faraón-abel e a faraona-carmela

coas escravas agarrrando a sombrilla

que agora os tapa da poalla

e cuns plumeiros dandolles aire

van os sacerdotes e os soldados

os escrivas as vírgenes e dúas momias

e movendose ás dúas beiras da rúa

o pequeno nicolás facéndose selfis

con quen busca e con quen lle chama

e as cativas e cativos da comparsa

van regalando miles de barquiños de papel

con pequenas frases como estas

que veñen do tempo das pirámides

 primeiro as persoas

e logo as grandes obras

 se a xustiza existe

ninguén pode quedar excluido

 antes xusta que fermosa

por enriba das persoas nada

 cando a inxustiza é a lei

a rebeldía é o camiño

....

o pequeno presuposto da comparsa

so permitiu unha baixiña pirámide

e cando pasábamos polo sireno

este virouse e estirou unha perna

pero non chegou para subir con el

ao pequeno algageme de cartón

a comparsa visualizóu e comunicóu

un conflicto a miles de persoas

eso que tanto lle costa a asemblea

non pode ser non pode ser

os cartos en grandes obras

e as familias sen comer

o cronistadecoia