o mar dos pacificos

o corazon é pobre de palabras
pensaba o noso amigo lihn
ollando as ondas do mar dos pacificos
e sentindo as rochas resistir

o corazon ten un lexico pobre
escribia o poeta nas cartas
buscando a melodia dos azuis
e bravos acordes de auga salgada

o corazon é pobre de palabras
sentia a trovadora ao cantar
mentres aloumiñaba cos seus dedos
unhas cordas que buscaban o mar

lariño 94

vello poema escrito
para o poeta chileno enrique lihn
e a trovadora violeta parra
que seguen presentes
entre o oceano e os andes