autorretrato de paco souto

escribo
en folla impar
as tres cuartas partes
xustas
de min mesmo
a man acenando o universo
a viaxe impar de virme paradentro

escribo tolo
un xesto apenas de ousadía
do que calo

inspiro
e dialógome

o meu mundo sempre será varios

paco souto

quedamos cos teus versos

coa túa voz co traballo colectivo ...

e marchache cos caldeiróns

agora o mar é todo teu

non deixes de escribir