11-7-2010

a bandeira e as bragas

contan que na entrega

do pazo de meirás ao dictador

alá polos primeiros anos corenta

pazo mercado por suscripcion popular

pero por familias obrigadas a poñer os cartos

contan que nesta enesima entrega

dun espacio publico ou privado ao dictador

darredor do pazo habia moitas bandeiras

para crear o ambiente necesario

e logo do acto na mesma noite

desapareceron misteriosamente case todas

uns poucos dias despois nas casas dos arredores

empezaron a aparecer nos tendais das veciñas

bragas bermellas e marelas e das duas cores

que neses tempos de escasez non se podian

rexeitar unhas teas abandoadas

. . . . . .

levaba eu uns dias fora do país

e atopeino cheo de bandeiras bermellas e marelas

bandeiras de todos os tamaños posibles

nos balcons nos escaparates e nos mostradores

nos carros e no lombo da xente como capa

bandeiriñas na man dos nenos e pintadas na cara

e moitos ian con camisola bermella mais non marela

e ate as rapazas da panaderia e as camareiras do bar

ian coa camisola bermella como uniformadas

e eu frotaba os meus ollos e non entendia nada

unhas bandeiras eran co escudo postfranquista

outras co masacrado touro da festa irracional

e algunhas co escudo do dictador

e non atopei nengunha bandeiriña republicana

e eu seguia sen entender nada

oin varias veces que por iniciativa popular

pero alguen me dixo que pola dictadura dos medios ...

mentres que case na clandestinidade

se están a retirar moitos simbolos franquistas

como estes dias a cruz dos caidos no ferrol

as bandeiras do circo para o pobo

neste tempo de crise economica

e ainda mais crise social etica

crise de memoria...

a bandeira e as bragas

tempo ao tempo