arbores e as suas sombras

25-12-2014

castiñeiro de coia

 

 

castiñeiro de esturáns

nun vello lugar de coia

estás mirando pro mar

 

xa che quedan poucas follas

dos magostos xa descansas

i estas festas non che gostan

 

castiñeiro de esturáns

outras árbores marean

nestas datas do nadal

 

manolo pipas


 

14-9-2012

bosque das chozas




gosto do pequeno bosque das chozas
en cada estacion en cada mes do ano
coas suas cores e luces e cos seus matices
cos seus matices nas distintas fases do dia

gosto do pequeno bosque das chozas
a terra as ervas os silenciosos insectos
os arbustos os cantos das aves e os carballos
como os avós coa memoria do pequeno bosque

gosto deste pequeno ecosistema de vida
arriba as inaccesibles puntas das arbores
e abaixo o rego coa sua auga susurrando
e os pequenos fentos do bosque das chozas

lariño
18-8-2011

os teixos




unhas poucas palabras
para os teixos do courel
no medio das empinadas
costas da devesa da rogueira
entre carballos bidueiros e faias
os teixos primeiras arbores da serra

os teixos
esas arbores sagradas
dos nosos pobos orixinarios

os teixos
os corazons da serra
deste circulo os eixos


04-8-2011

unhas poucas arbores




carballo sabugo bidueiro
pradairo enciña nogueira
salgueiro cerdeira freixo

serbal faia castiñeiro
rebolo acibo abeleira
amieiro sobreira teixo

bosque fraga souto devesa
tantas arbores que dan vida
e tantos arbustos e ervas

de seoane a mercurín a dia 3


21-2-2011

ano dos bosques


o meu ano tamen é o dos bosques
escribicheme con palabras como follas
a tua musica agora me acompaña
e entre tema e tema o vento nas arbores
que tamen me quere arrolar
me quere arrolar

a ti cun libro nas mans agarrache o sono
mestres eu escribo velado e desvelado
o frio o vento e a chuvia en colectivo
compañeiros do inverno e das arbores
que agardan outra primavera
outra primavera

éste tamen é o ano dos bosques
fermoso verso e titulo para un poema
unha protesta e promesa un manifesto
un fillo unha arbore un libro
escribira aquel poeta
aquel poeta

no ano da gata
e dos bosques

un hijo un arbol y un libro
verso do cubano josé marti


03-1-2011

a arbore de el tule


a arbore de el tule é grande mui grande
este sabino ahuehuete é vello mui vello
mais vello que a conquista dos españoles
e din que esta arbore tamen estaba aqui
claro que muito mais pequena
hai uns dous mil anos
e varias veces quixeron cortala
para facer casas e leña
pero acá segue coa sua memoria

nesta pequena vila oaxaqueña
invadida de turistas e botanicos
que queren coñecer este vexetal
hai outros sete ahuehuetes
de entre cincocentos e cen anos
e habia un neto desta gran arbore
que morreu hai pouco
e din que foi mal plantado
polo ultimo rei das españas
Distribuir contido